Дастаи мунтахаби Тоҷикистон мавқеашро дигар накард

Душанбе, 03.06.2016 /АМИТ «Ховар»/. Дар  таснифоти нави Федератсияи ҷаҳонии футбол, ки зери унвони FIFA/Coca-Cola World Ranking ҳар моҳ гузаронида мешавад, Тоҷикистон бо 150 имтиёз мавқеи худро дар зинаи 164 нигоҳ дошт.
Тибқи ин омор дар садри ҷадвали ҷаҳонӣ низ тағйирот ба мушоҳида намерасад. Аргентина (1503) дар зинаи аввал, Белгия(1384) дар ҷои дуввум қарор доранд. Танҳо ба тими мунтахаби  Колумбия(1328) ва Олмон(1310)  муяссар шудааст, ки як зинагӣ ба боло баромада, мақоми сеюм ва чорумро ишғол кунанд.
Аз кишварҳои Осиё аз ҳама боло дастаи мунтахаби Эрон(688)  дар зинаи 38-уми ҷаҳонӣ меистад ва дар ҷои аввали раддабандии  дастаҳои қораи Осиё мавқеият дорад. Кореяи ҷанубӣ(603) дар ҷои 50 уми ҷаҳон ва дуввуми Осиё, Ҷопон(581)  дар зинаи 53 ҷаҳон ва сеюми ин қитъа қарор доранд.
Мавқеи кишварҳои ба мо ҳамсоя чунин аст:
Узбекистон (544 имтииёз) 66- ҷаҳон, 6- Осиё
Қирғизистон( 313 имтиёз)  111-ҷаҳон, 14- Осиё
Туркманистон(264 имтиёз) 134- ҷаҳон, 20- Осиё
Афғонистон (184 имтиёз)   156- ҷаҳон, 25- Осиё.
Дастаи мунтахаби Бангладеш, ки дирӯз тими мунтахаби Тоҷикистон онро бо ҳисоби 5 бар 0 шикаст дод, соҳиби 93 имтиёз буда, мақоми 181-ро  ба худ ихтисос додааст.