«Зимчуруд» барои 250 хонанда дарҳояшро боз кард

Июнь 16, 2016 17:02

Душанбе, 16.06.2016 /АМИТ «Ховар»/.   Имсол дар истироҳатгоҳҳои беруназшаҳрӣ аз 15 июн сар карда, дар ду баст 1660 хонандаи муассисаҳои таълимӣ, кўдакони ятиму бепарастори мактаб-интернатҳои пойтахт ба истироҳат фаро гирифта мешаванд. Имрӯз  лагери «Зимчуруд»-и ноҳияи Шоҳмансур барои 250 хонандаи мактабҳои ноҳия дарҳояшро боз кард.  «Дар ин лагер инчунин 20 кӯдак аз  мактаб интернати пойтахт қабул шуданд. Дар «Зимчуруд» хонандагон 21 рӯзӣ дар 2 баст қабул мегарданд. Дар басти 1 аз 16 то 7 июл  ва дар  басти дуввум аз 11 то 31 июл хонандагон ба истироҳат фаро гирифта мешаванд»,- иброз дошт мудири шуъбаи маорифи ноҳияи Шоҳмансур Файзӣ Қосимова.
Лагер хабари (2)Бино ба гуфтаи Ф.Қосимова,  то қабули хонандагон истироҳатгоҳ таъмир карда шудааст.  «Аз ҷониби Раёсат ва шуъбаҳои маориф барои истироҳатгоҳҳои беруназшаҳрӣ мураббиён, ҳамшираҳои ихтисосманд ва омўзгорони тарбияи ҷисмонию суруд ҷалб карда шудаанд. Аз ҷумла, бо пешниҳоди марказҳои назорати давлатии санитарию эпидемиологии ноҳияҳо омода намудани гармкунакҳои хўрокпазӣ, харидории лавозимоти хўрокхўрӣ, харидории матоъҳои рўйҷойҳои хоб, таъмиру ҷо ба ҷо кардани катҳои хоб, рангубор намудани гурўҳҳои истироҳаткунандагон, омода намудани ҳавзҳои оббозӣ, тоза намудани атроф, рангубори фаршҳои гурўҳҳо ва ғайра ба анҷом расонида шуданд»,-иброз дошт Ф.Қосимова.
Дар соли 2016  барои маблағгузорӣ ҷиҳати таъмиру хўрокворӣ ва дигар маводи зарурӣ дар истироҳатгоҳҳои беруназшаҳрӣ ва майдончаҳои солимгардонии назди муассисаҳои таълимии ноҳияи Шоҳмансур 445 ҳазору 500 сомонӣ ҷудо карда шуд.
Лагер хабари (3)Сарвари фароғатгоҳи «Зимчуруд»  Муҳиба Тошева мегӯяд, дар фароғатгоҳ 7 гурӯҳ фаъол буда, ба кӯдакон дар як рӯз 4 маротиба хӯрок дода мешавад.
«Дар ин ҷо 2 корманди тиббӣ, мураббияҳои пуртаҷриба ва муаллими тарбияи ҷисмонӣ бо кӯдакон кор мекунанд. Мо ҳамарӯза бо кӯдакон машқҳои варзишӣ, чорабиниҳои фарҳангӣ, озмунҳои гуногун ва мусобиқаҳои варзишӣ мегузаронем»,-баён  дошт М.Тошева.
Барои истироҳати пурсамари кудакон инчунин дар лагер китобхона низ кор мекунад, ки дар он ҷо кӯдакон имкон доранд ба хондани китобҳои бадеӣ машғул гарданд.
Бино ба гуфтаи мудири маорифи ноҳияи Шоҳмансур, кӯдакон дар ҷараёни истироҳат ба  саёҳат рафта, баданашонро  ҳамарӯза обутоб медиҳанд.
Кудакон дар лагер аз бозиҳои компютериву телефонҳои мобилӣ дур шуда,  ба машғулиятҳои варзишӣ дар ҳавои тоза,  оббозӣ, бозиҳои дастаҷамъона ҷалб мешаванд,- зикр намуд Ф.Қосимова.

Июнь 16, 2016 17:02

Хабарҳои дигари ин бахш

КАНГУРТ — ДИЁРИ ПАҲЛАВОНОН. Ба шарафи Истиқлолият ин гӯшаи кӯҳистони Тоҷикистон ба шаҳраки зебою замонавӣ мубаддал гардидааст
ОБУ ҲАВО: Имрӯз дар Тоҷикистон чангу ғубор ба амал меояд
Кумитаи ҳифзи муҳити зист соҳиби бинои нав мегардад
ОБУ ҲАВО: Имрӯз дар ҷумҳурӣ ҳавои камабри бебориш пешгӯӣ мешавад
ТАҚВИМИ АМИТ «ХОВАР»: имрӯз 3 июл, якшанбе, 182-умин рӯзи соли 2022 аст
ОБУ ҲАВО: Имрӯз дар ҷумҳурӣ ҳавои тағйирёбандаи бебориш дар назар аст
ТАҚВИМИ АМИТ «ХОВАР»: имрӯз 2 июл, шанбе, 182-умин рӯзи соли 2022 аст
Ҳайати Узбекистон дар Кўлоб оромгоҳи Мир Саид Алии Ҳамадониро зиёрат намуд
ОБУ ҲАВО: Аз 1 то 3 июл дар Тоҷикистон ҳавои гарм боқӣ мемонад
ТАҚВИМИ АМИТ «ХОВАР»: имрӯз 1 июл, ҷумъа, 182-умин рӯзи соли 2022 аст
Ҳайати Тоҷикистон бо муовини Дабири кулли СММ оид ба масоили иқтисодӣ ва иҷтимоӣ вохӯрӣ намуд
ОБУ ҲАВО: Имрӯз дар шаҳри Душанбе ҳаво рӯзона 41+43 дараҷа гарм мешавад