Аз нашриётҳои кишвар ба КМТ 595 адад китоб ворид гардид

Душанбе. 14.07.2016. /АМИТ «Ховар»/. Дар шаш моҳи охир кормандони шуъбаи такмили адабиёт дар ҳамкорӣ бо шуъбаи нигоҳдории китоби Китобхонаи миллии Тоҷикистон (КМТ) аз нашриётҳои кишвар бо теъдоди  1549 нусха (805 номгӯй) китобҳои ҳатмӣ ва 964 нусха (235 номгӯи ) нашрияҳои гуногунро қабул намуданд.
Аз ҷониби раёсати «Тоҷикматлубот», Фонди ФР «Содействие», «Россотрудничество»,  Пажӯҳишгоҳи илмӣ-тадқиқотии фарҳанг ва  иттилоот,  КМ Туркия, Маркази илмии Камоли Хӯҷандӣ, Ройзании фарҳангии Эрон, Сафоратхонаи Ҷумҳурии исломии Эрон, Дастгоҳи иҷроияи Президенти  Ҷумҳурии Тоҷикистон  ва шахсони алоҳида  18901 нусха  адабиёт дар шакли туҳфа ба фонди китобхона ворид шудааст.
Бояд зикр кард, ки аз ҷониби нашриётҳои Ҷумҳурии Тоҷикистон номгӯи адабиётҳо,  аз қабили китоби Иброҳим Пирназарзода «Парчам», (нашриёти «Эр-граф»), Зафар Саидов «История России» (нашриёти «Контраст»), Фозил Абдурашидов «Из истории внутренного переселения в советском Таджикистане», Насриддин Тӯсӣ «Насирова Этика» (нашриёти «Андалеб Р»), Абӯалӣ ибни Сино «Осор» (нашриёти «Дониш»)  бо теъдоди умумии 595 адад  ворид гардиданд.
Маврид ба зикр аст, ки имрӯзҳо талаботи хонандагони Китобхонаи миллии Тоҷикистон  нисбат ба китобҳои  соҳаҳои сиёсат, ҳуқуқ,  адабиётшиносӣ, забоншиносӣ, тиб, риёзӣ ва таърих бештар аст.