Дар оянда дар Тоҷикистон суғуртаи тиббӣ ҷорӣ карда мешавад

Июль 18, 2016 16:05

Душанбе, 18.07.2016. /АМИТ «Ховар»/. «Дар Ҷумҳурии Тоҷикистон  дар оянда суғуртаи тиббӣ ҷорӣ карда мешавад».  Дар ин бора Назокат Одиназода, муовини якуми  директори Агентии  суғуртаи  иҷтимоӣ ва нафақаи назди Ҳукумати  Ҷумҳурии Тоҷикистон 18 июл ба хабарнигорон иттилоъ дод.
Мавсуф вобаста ба роҳандозӣ намудани суғуртаи тиббӣ дар Тоҷикистон таъкид кард,  ки мақомоти салоҳиятдор дар ин масъала Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мебошад.
Бояд тазаккур  дод, ки дар Ҷумҳурии  Тоҷикистон ҳанӯз 8 сол муқаддам,  соли 2008 қонун «Дар бораи суғуртаи тиббӣ дар Ҷумҳурии Тоҷикистон» қабул гардида, соли 2010 ба он тағйирот ворид карда шуд, ки тибқи ин тағийрот бояд дар кишвар шурӯъ аз соли 2014 суғуратаи тиббӣ ҷорӣ карда мешуд. Аммо тибқи ворид намудани тағйирот ба ин қонун дар соли 2013 ҷорӣ кардани  суғуртаи тиббӣ то соли 2017 дар кишвар ба таъхир гузошта шуд.
Ёдовар мешавем, ки 13 июл зимни нишасти хабарӣ Нусратулло Салимзода, вазири тандурустӣ ва ҳифзи иҷтимоии аҳолии кишвар бо дахли ин масъала гуфт,  ки дар ин самт дар ҳамкорӣ бо дигар вазорату идораҳои марбутаи кишвар санадҳои дахлдор таҳия гардида, инчунин гурӯҳи махсуси корӣ созмон дода шудааст, ки  дар мавриди ҷорӣ намудани суғуртаи иҷтимоӣ фаъолият дорад. Вазир таъкид намуд,  ки дар марҳиллаи аввал мо ният дорем, ки то соли 2017  дар яке аз шаҳру вилоятҳо ба таври пилотӣ (таҷрибавӣ) ҷорӣ намоем.

Июль 18, 2016 16:05

Хабарҳои дигари ин бахш

Ба кӯдакони Муассисаи томактабии хусусии «Оиша»-и ноҳияи Восеъ бо се забон таълим дода мешавад
Дар доираи татбиқи лоиҳаи «БРАМОМ-4» дар қитъаҳои алоҳидаи роҳҳо панҷараҳои муҳофизатӣ сохта мешаванд
Имрӯз дар Тоҷикистон ҳавои тағйирёбанда дар назар аст
ОМОДАГӢ БА ЗИМИСТОН. Дар 43 сардхонаи шаҳри Ҳисор беш аз 10 ҳазор тонна маҳсулоти кишоварзӣ захира карда мешавад
Муассисаҳои соҳаи тандурустии вилояти Суғд ба фасли зимистон омода мебошанд
Дар Душанбе ҷаласаи 35-уми Шурои ҳамоҳангсозии прокуророни генералии кишварҳои ИДМ оғоз гардид
ZET-MOBILE иқдоми навро оғоз кард: тарофаҳои «SUPER Қувва» бо тахфифи 50%
Имрӯз дар шаҳри Душанбе ҳаво то 28 дараҷа гарм мешавад
РӮЗИ ҶАҲОНИИ ОМОР. Тавассути омори расмӣ равандҳои муҳими иҷтимоӣ таҳлилу баррасӣ карда мешаванд
Нависандаи халқии Тоҷикистон Кароматуллоҳи Мирзо дар 83- солагӣ аз дунё даргузашт
Имрӯз дар водиҳои Тоҷикистон ҳаво то 30 дараҷа гарм мешавад
Дмитрий Семёнов: «Синамоҷашнвораи байналмилалии «Тоҷи Сомон» фазои ҳамкории байналмилалӣ фароҳам овард»