Мушкилот ва дастовардҳои ИТҶТ баррасӣ шуданд

Июль 20, 2016 14:22

Душанбе, 20.07.2016. /АМИТ «Ховар»/. 19 июл дар Маркази иттилоот ва захираи намояндагии Созмони Милали Муттаҳид дар Тоҷикистон ҷаласаи якҷояи Шӯрои Иттиҳодияи ташкилоти ҷавонони Тоҷикистон (ИТҶТ) ва гурӯҳи мақсадноки ташкилоти байналмилалӣ дар соҳаи кор бо ҷавонон (ГМТБҶ) баргузор гардид.
Дар ҷаласа масъалаҳои ҳамкории дуҷониба ва бисёрҷонибаи ИТҶТ, ҳисоботи аъзои иттиҳодия дар соли 2015, консепсияи устувор гардонидани иқтидори техникии котиботи ИТҶТ ва фаъолнокии аъзои ИТҶТ ва ГМТБҶ барои иштирок дар татбиқи сиёсати давлатии ҷавонон ва дигар мавзӯъҳои муҳим мавриди баррасӣ қарор дода шуданд.
Мавсума Муинӣ, муовини якуми раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон (КҶВС) зимни суханронӣ доир ба ҳамкории КҶВС ва ИТҶТ бо ташкилоти байналмилалӣ дар соҳаи кор бо ҷавонон фаъолиятдошта барои иштироки васеи онҳо дар татбиқи сиёсати давлатии ҷавонон дар Тоҷикистон маълумоти муфассал пешниҳод намуд.
Зикр гардид, ки ИТҶТ ҳамчун ниҳоди пайвасткунанда байни КҶВС ва ташкилоти ҷамъиятӣ таъсис дода шудааст, ки ҳамоҳангсозии онро бевосита КҶВС ба уҳда дорад. Айни ҳол ба ин иттиҳодия зиёда аз 151 ташкилоти ҷамъиятии ҷавонон аъзо мебошанд.
Қиёмиддин Миралиён, вакили Маҷлиси намояндагон, оид ба ҳаракати волонтёрӣ дар ҷумҳурӣ ва татбиқи самараноки Қонуни Ҷумҳурии Тоҷикистон «Дар бораи фаъолияти волонтёрӣ» ибрози назар намуд.
Наимҷон Мирзораҳимов, котиби ИТҶТ вобаста ба ҳисоботи ташкилоти аъзои ИТҶТ барои соли 2015 суханронӣ намуда, ба ҳозирин доир ба мушкилот ва дастовардҳои иттиҳодия маълумот дод. Зимни баромад Н. Мирзораҳимов таъсис додани гурӯҳи мақсаднок доир ба коркард ва амалигардонии механизми таҳия, дарёфти маблағ, арзёбӣ ва баҳогузории лоиҳаҳои дар доираи сиёсати давлатии ҷавонон татбиқшавандаро амри зарурӣ ва саривақтӣ донист.

Июль 20, 2016 14:22

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт