Эътирози донишҷӯёни Донишкадаи омӯзгории Тоҷикистон дар ноҳияи Рашт нисбат ба рафтори ноодилонаи САҲА
Душанбе, 22.09.2016 / АМИТ «Ховар» /. Мо, донишҷӯёни Донишкади омӯзгории Тоҷикистон дар ноҳияи Рашт аз расонаҳои хабарӣ огоҳ гаштем, ки дар шаҳри Варшаваи кишвари Лаҳистон (Полша) ҳисоботи солонаи кишварҳои аъзои Созмони Амният ва Ҳамкорӣ дар Аврупо (САҲА) оид ба ченаки ҳуқуқи инсонӣ дар шаҳри Варшаваи кишвари Лаҳистон бо сарпарастии бевоситаи Созмони Амният ва Ҳамкорӣ дар Аврупо (САҲА) баргузор гардида истодааст. Дар кори ин ҷаласа гурӯҳи корӣ аз ҷониби Ҳукумати Ҷумҳурии Тоҷикистон иштирок доранд.
Мо, донишҷӯёнро дар ин ҷаласа як чиз нигарон кардааст, ки ҳангоми баромади гурӯҳи кории Ҷумҳурии Тоҷикистон дар толори баргузории ҷаласаҳо гурӯҳҳои зидиҳукуматиро, ки барои кирдорҳои ҷинояткоронаи худ дар кофтуков қарор доранд, Созмони Амният ва Ҳамкорӣ дар Аврупо (САҲА) дидаю дониста номнавис карда, дар ин ҷаласаҳо роҳ додааст.
Полша кишварест, ки аъзои Интерпол мебошад ва бояд ҷинояткорони дар кофтукоби Интерполбударо дастгир намояд, вале аз чӣ сабаб бошад, ки баръакс онҳоро пуштибонӣ намуда, дар ҳудуди худ роҳ додааст.
Моро як рафтори Созмони Амният ва Ҳамкорӣ дар Аврупо (САҲА) нигарон кардааст, ки чаро ин рафторашонро нисбат ба ҷинояткорон аз кишварҳои абарқудрат, ба мисли Амрико, Олмон, Русия, Франсия ва дигарон раво намебинанд. Пурсида мешавад, ки чаро чунин рафтори ноҷавонмардонаро нисбат ба Тоҷикистон, ки дар марҳилаи тараққиёт қарор дошта ва ҳамаҷониба институтҳои демократиро ҷонибдорӣ менамояд, раво мебинанд.
Рафтори Созмони Амният ва Ҳамкорӣ дар Аврупо (САҲА) мо донишҷӯёнро сахт нигарон кардааст, ки дар гуфтор зидди терроризму экстремизм буда, дар асл онҳоро тарафдорӣ карда истодаанд. Агар ин хел набошад, пас чаро ҷинояткоронро дар ин ҷаласаҳо роҳ додаанд?
Аз ин рӯ, мо донишҷӯёни Донишкадаи омӯзгории Тоҷикистон дар ноҳияи Рашт ба ақидаи дигар донишҷӯёни кишвар ҳамфикр буда, рафтори Созмони Амният ва Ҳамкорӣ дар Аврупо (САҲА) –ро маҳкум менамоем.
Донишҷӯёни Донишкадаи омӯзгории
Тоҷикистон дар ноҳияи Рашт
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳру ноҳияҳои Тоҷикистон борони кӯтоҳмуддат меборад
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
