Муаррифии «Як байти парниён» ба ифтихори Рӯзи Рӯдакӣ дар Теҳрон
Душанбе, 20.09.2016/АМИТ «Ховар»/. Ба ифтихори Рӯзи Рӯдакӣ , ки ҳамасола 22 сентябр таҷлил мегардад, дар Фарҳангсарои ниёварони Теҳрон китоби «Як байти парниён» рӯнамоӣ гардид.
Маросими муаррифии китоби «Як байти парниён» бо ибтикори Сафорати Ҷумҳурии Тоҷикистон дар Ҷумҳурии Исломии Эрон дар ҳамкорӣ бо Муассисаи фарҳангии Созмони Ҳамкории Иқтисодӣ (ЭКО) бо иштироки шахсиятҳои фарҳангӣ ва намояндагони Вазорати корҳои хориҷии Эрон, корпусҳои дипломатии муқими Эрон баргузор гардид.
Дар маросими рӯнамоии китоби «Як байти парниён» Ифтихор Ҳусейн Ориф -раиси Муассисаи фарҳангии ЭКО, Неъматулло Эмомзода — Сафири Фавқулода ва Мухтори Ҷумҳурии Тоҷикистон дар Эрон, доктор Ҳасани Ануша — тоҷикшинос ва сарпарасти Донишномаи адаби форсӣ ва донишмандону рӯдакишиносон Муҳаммадсарвари Мавлоӣ, Тавфиқи Субҳонӣ, Заҳро Аслонӣ роҷеъ ба ҷойгоҳи Рӯдакӣ ва аҳамияти китоби «Як байти парниён» изҳори назар намуданд.
Неъматулло Эмомзода, сафири Тоҷикистон дар Эрон зикр кард, ки дар Тоҷикистон ба мақому ҷойгоҳи Рӯдакӣ — асосгузори адабиёти форсу тоҷик аҳамияти хоса дода мешавад. Ин аст, ки солҳои 1958 ва 2008 бузургдошти қофиласолори шеъри форсӣ Абӯабдулло Рӯдакӣ дар сатҳи ҷаҳонӣ таҷлил гардид ва ҳар сол 22 сентябр дар Тоҷикистон Рӯзи Рӯдакӣ ҷашн гирифта мешавад. Дар маросим рӯнамоии китоби «Як байти парниён» гурӯҳи мусиқии «Навои милал» шеъри машҳури Устод Рӯдакӣ «Бӯи ҷӯи Мӯлиён ояд ҳаме» — ро иҷро намуд. Ҳамчунин оҳангу таронаҳое аз ҳунармандони шинохтаи тоҷик Ҷурабек Мурод, Далер Назар ва Муродбек Насриддин пахш гардиданд.
Китоби «Як байти парниён» 36 мақола аз муҳаққиқони барҷастаи тоҷик- Устод Айнӣ, Раҳим Ҳошим, Шарифҷон Ҳусейнзода, Абдулғанӣ Мирзоев, Баҳром Сирус, Султон Воҳидов, Саъдоншо Имроновро дар бар гирифта, бори аввал бо хати форсӣ дар Эрон мунташир мешавад.
Китоб аз ҷониби Шоҳмансури Шоҳмирзо, намояндаи Тоҷикистон дар Муассисаи фарҳангии ЭКО таҳия, тадвин ва баргардон шуда, онро рӯдакишинос Заҳро Аслонӣ вироиш намудааст.
Китоб аз 534 сафҳа иборат буда, дорои шарҳи вожагон, манобеъ ва зиндагиномаи муаллифони мақолаҳост.
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
Байни АМИТ «Ховар» ва Агентии иттилоотии «S.P.A»-и Арабистони Саудӣ Ёддошти тафоҳум оид ба ҳамкорӣ дар соҳаи мубодилаи иттилоот ба имзо расид
