Пешгирии шомилшавии ҷавонон ба ҳаракатҳои ифротӣ

Душанбе, 30.09.2016. /АМИТ «Ховар»/. Ба хотири баланд бардоштани дониши сиёсии ҷавонон, тарбияи ҳисси ватанпарастии насли созанда, пешгирии ҳодисаҳои номатлуб ва шомилшавии ҷавонон ба ҳаракатҳои ифротӣ масъулони Раёсати ҷавонон, варзиш ва сайёҳии вилояти Суғд дар Қасри фарҳанги ноҳияи Айнӣ бо теъдоди зиёди ҷавонони ин ноҳия мулоқот анҷом доданд.
Тавре ки аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон иттилоъ доданд, дар мулоқоти мазкур намояндагони маҳаллаҳо, шӯрои занҳо, падарону модарон, ҷавонони касбҳои гуногуни ноҳия ва намояндагони ҳифзи ҳуқуқ ииштирок намуданд.
Зариф Мирдадо, сардори Раёсати ҷавонон, варзиш ва сайёҳии вилояти Суғд аз ҳаводиси солҳои охири ҷаҳон ва гумроҳии баъзе ҷавонони тоҷик изҳори нигаронӣ карда, гуфт, ки дар марҳалаи кунунӣ ҷавонони тоҷик бояд бомулоҳиза ва эҳтиёткор бошанд, зеро гурӯҳҳои алоҳида ҷавонони ноогоҳро барои мақсадҳои нопоки худ истифода мебаранд.