Халида Бузар бо аҳолие, ки аз татбиқи лоиҳаи «Рушди чорводорӣ ва чарогоҳҳо» дар Тоҷикистон манфиат гирифтаанд, шинос мешавад

Октябрь 26, 2016 15:09

Душанбе, 26.10.2016. /АМИТ «Ховар»/. Натиҷаҳои татбиқи Лоиҳаи «Рушди чорводорӣ ва чарогоҳҳо», самтҳои афзалиятноки татбиқи он, ҷалби ҷавонон ва занон ба корҳои лоиҳавӣ ва дар ин замина муҳайё сохтани ҷойҳои корӣ барои онҳо зимни мулоқоти директори Департаменти минтақавии Фонди байналмилалии рушди кишоварзӣ дар мамлакатҳои Шарқи наздик, Африқои Шимолӣ, Аврупо ва Осиёи Марказӣ Халида Бузар бо намояндагони дафтари кории Фонди байналмилалии рушди кишоварзӣ ва мушовирони маҳаллию байналмилалӣ баррасӣ шуданд.
Тавре директори Муассисаи давлатии Маркази идораи Лоиҳаи «Рушди чорводорӣ ва чарогоҳҳо» Саъдӣ Каримов иброз дошт: «Дар доираи лоиҳа ноҳияҳои фарогир-Шамсиддин Шоҳин, Балҷувон, Ховалинг, Муъминобод ва Темурмалик бо техника таъмин гардида, ҷамъиятҳои истифодабарандагони чарогоҳ ташкил карда шуданд. 15 гурӯҳи занон барои коркарди пашм таъсис дода шуда, бо таҷҳизоти зарурӣ таъмин шуданд. Онҳо аллакай маҳсулоти худро ба бозор бароварда, даромад гирифта истодаанд».
Ба иттилои Саъдӣ Каримов, дар доираи татбиқи лоиҳа 7 зерлоиҳа оид ба сохтмон ва барқарорсозии хатҳои интиқоли барқ, 6 зерлоиҳаи сохтмони хатҳои оби нӯшокӣ, 3 зерлоиҳаи барқарорсозии чоҳҳои обкашӣ, 3 зерлоиҳа оид ба таъмири роҳҳои дохили хоҷагӣ амалӣ карда шуданд.
Аз ҷониби аҳолӣ дар маҷмӯъ 575 зерлоиҳа пешниҳод гардида, 365 зерлоиҳа аллакай амалӣ карда шудааст.
Халида Бузар ҳавасмандӣ пайдо намуд, то аз минтақаҳои фарогири лоиҳа боздид намояд ва бо аҳолие, ки аз татбиқи лоиҳа манфиат гирифтаанд, шинос шавад.
Дар ин бора аз Муассисаи давлатии Маркази идораи Лоиҳаи «Рушди чорводорӣ ва чарогоҳҳо» хабар доданд.

halida-buzar-3

Октябрь 26, 2016 15:09

Хабарҳои дигари ин бахш

Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид
Дар Хатлон 44 лоиҳаи сармоягузорӣ татбиқ мегардад
Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд
Ҳайати бонуфузи Чин ҷиҳати иштирок дар Форуми занон вориди Хуҷанд шуданд
Дар остонаи Рӯзи Ваҳдати миллӣ 1,5 км роҳи деҳаи Иттифоқи шаҳри Ҳисор мумфарш карда шуд
Роҳбарияти «Тоҷикаэронавигатсия» дар Саммити ҷаҳонии «CANSO Global ATM Summit 2024» иштирок намуд