«Парчами миллӣ-рамзи ҳувиятсози тоҷикон»-ҳамоиш дар Пажӯҳишгоҳи илмӣ-тадқиқотии фарҳанг ва иттилоот

Ноябрь 22, 2016 16:09

Душанбе, 22.11.2016 /АМИТ «Ховар»/. «Парчами миллӣ-рамзи ҳувиятсози тоҷикон»-таҳти чунин унвон имрӯз, 22 ноябр дар Пажӯҳишгоҳи илмӣ-тадқиқотии фарҳанг ва иттилооти Вазорати фарҳанги Ҷумҳурии Тоҷикистон маҳфил баргузор гардид. Ба иттилои хабарнигори АМИТ «Ховар», маҳфил ба Рӯзи парчами Тоҷикистон, ки ҳамасола 24 ноябр ҷашн гирифта мешавад, бахшида шуд.
Директори ПИТФИ, номзади илмҳои педагогӣ, дотсент Шариф Комилзода баён намуд, ки парчам аз замонҳои хеле қадим рамзи давлатдорӣ, шукӯҳу истиқлол ва нангу номус буд.
«Аввалин парчами қадимии тоҷикон дирафши Ковиён ном дошт, ки он ҳамчун рамзи ваҳат ва ягонагии давлатдорӣ қабул шуда буд. Он дирафш дар таърих ва тамаддуни миллати тоҷик нақш ва мавқеи хоса дошт. Дар «Шоҳнома»-и Фирдавсӣ омада, ки ҳар як паҳлавони бузурги сарзамини аҷдодии мо дирафши хоси худро дошт. Хушбахтона, бо шарофати истиқлолият тоҷикон соҳиби парчами миллӣ- таҷассумгари гузаштаи шоёну ояндаи дурахшони худ гардиданд. Дар замони муосир доштани парчами миллӣ ин нишони истиқлолият, рамзи давлатдорӣ ва ваҳдати миллӣ мебошад. Давлати муосир тавассути парчами он муаррифӣ мегардад»,-иброз дошт Шариф Комилзода.
Мудири шуъбаи эҷодиёти мардумӣ ва таҳлилию методии ПИТФИ Зафар Холмуродов иброз намуд, ки эҳтироми парчами давлатӣ ва расидан ба қадри он ҳамчун яке аз рамзҳои муқаддаси ватани соҳибистиқлол аз ҷумлаи вазифаҳои ифтихорӣ ва қарзи шаҳрвандии аҳли ҷомеаи мо ба ҳисоб меравад.
«Таърих гувоҳи он аст, ки миллатҳои гуногун давлатдории худро зери парчам ҳифз ва поягузорӣ намуда, орзую мароми худро дар ин рамзи давлатӣ нақшгузорӣ намудаанд. Парчам муттаҳидкунандаи миллат буда, имрӯз мардуми тоҷик меҳру муҳаббати худро нисбат ба парчами давлатӣ дар шеъру суруд ва дигар офаридаҳояшон таҷассум мекунанд»,-илова намуд Зафар Холмуродов .
Дар маҳфил инчунин тасвирҳо оид ба таърихи Парчами миллӣ таҳти унвони «Парчам дар масири таърих» намоиш дода шуд. Меҳмонон инчунин имкон доштанд аз мусаввара ва китобҳои тозанашри пажӯҳишгоҳ дидан намоянд.

Ноябрь 22, 2016 16:09

Хабарҳои дигари ин бахш

Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб
Имрӯз дар Тоҷикистон ҳаво то 37 дараҷа гарм мешавад