Рӯзи дарҳои кушод бахшида ба Рӯзи Президенти Ҷумҳурии Тоҷикистон

Ноябрь 15, 2016 15:25

Душанбе, 15.11.2016 /АМИТ «Ховар»/. Пагоҳ бахшида ба Рӯзи Президенти Ҷумҳурии Тоҷикистон, ки ҳамасола 16 ноябр ҷашн гирифта мешавад, барои донишҷӯёни муассисаҳои таҳсилоти олии касбии шаҳри Душанбе дар театрҳои кишвар намоишномаҳои ройгон намоиш дода мешаванд.
Инчунин дар Рӯзи дарҳои кушод донишҷӯён имкон доранд аз осорхонаҳои ҷумҳуриявӣ ҷиҳати муаррифии осори Пешвои миллат ва асарҳои рассомоне, ки ба ин мавзӯъ бахшида шудаанд, дидан намоянд.
Барномаи махсусро инчунин кормандони Сирки давлатии Тоҷикистон ба тамошо хоҳанд гузошт. Тавре ки муовини директори Сирки давлатӣ Қурбон Зоҳир ба хабарнигори АМИТ «Ховар» иттилоъ дод, сокинон ва меҳмонони пойтахт имкон доранд пагоҳ аз барномаҳои сиркӣ ройгон баҳра бардоранд. Барномаҳо пагоҳ ду маротиба соатҳои 10 ва 15 -и рӯз намоиш дода мешаванд.
sirk«Кӯдакон аз барномаи гуногуни махсус омоданамудаи кормандони сирк дидан хоҳанд кард. Бояд гуфт, ки ҳунармандон дар тамоми чорабиниҳои фарҳангии кишвар фаъолона ширкат варзида, бо барномаҳои худ ба шаҳру ноҳияҳои кишвар сафарҳои ҳунарӣ анҷом медиҳанд. Барномаи мо инчунин дар Қирғизистон ва Русия ба тамошо гузошта шуда буд»,-илова намуд Қурбон Зоҳир.
Бино ба гуфтаи мусоҳиб, солҳои охир Ҳукумати кишвар ба рушди ҳунари сиркӣ таваҷҷуҳи зиёд зоҳир менамояд. Дар айни замон дар ҷумҳурӣ «Барномаи давлатии рушди ҳунари сиркӣ барои солҳои 2014-2017» амалӣ мегардад, ки мутобиқи он даҳҳо ҳунармандон дар Русия ва Чин таълим мегиранд.
«Инчунин солҳои охир ҳунармандон аз Русия, Чин, Қазоқистон, Украина, Лаҳистон ва Туркманистон бо ҳунари волои худ табъи тамошобинони тоҷикро болида месозанд»,-илова намуд Қурбон Зоҳир.
Тибқи маълумоти муовини директори Сирк, дар айни замон дар Сирки давлатӣ 40 нафар ҳунарманд фаъолият мекунанд.

Ноябрь 15, 2016 15:25

Хабарҳои дигари ин бахш

Заминҳои назди бинои муассисаву идораҳои шаҳри Норак самаранок истифода мешаванд
Дар «Чиларча»-и Ҷамоати деҳоти Саразм 300 нафар хонандагон ба истироҳат фаро гирифта мешаванд
Истироҳат дар Суғд – бо алоқаи боэътимод
Имрӯз дар водиҳои Тоҷикистон ҳаво то 38 дараҷа гарм мешавад
Бо мақсади пешгирии ҳодисаҳои ғарқшавӣ таҳти унвони «Наҷоти сайёр» дар Душанбе ва ноҳияҳои тобеи ҷумҳурӣ корҳои фаҳмондадиҳӣ оғоз шуд
ҲАВАСМАНДИИ ОМӮЗГОРОН. Давоми 18 сол 3394 нафар омӯзгорони ҷавон дар вилояти Хатлон соҳиби замин гардиданд
Доир ба ташаббусҳои Пешвои миллат дар шаҳри Хоруғ конфронси ҷумҳуриявӣ баргузор шуд
137 акси аксбардори маъруфи тоҷик Заур Дахте ба фонди Осорхонаи миллии Тоҷикистон супорида шуд
Дар ноҳияи Дарвоз оид ба истифодаи сарфакоронаи неруи барқ вохӯрӣ доир гардид
ТАҶРИБАИ НАВ ДАР ЗАФАРОБОД. Дар хоҷагии деҳқонии «Ҳоҷӣ Адҳамхон» 56 адад панели офтобӣ насб карда шудааст
Сокинони ноҳияи Файзобод дар заминҳои наздиҳавлигӣ бештар картошка парвариш менамоянд
ИСТИФОДАИ САМАРАНОКИ ЗАМИН. Сокинони деҳаи Навдеҳи шаҳри Норак таҷрибаи пешқадами кишоварзони ҷаҳонро меомӯзанд