Шукурҷон Зуҳуров бо раиси Ассамблеяи миллии Ҷумҳурии Исломии Покистон Сардор Аёз Содиқ мулоқот намуд

Ноябрь 25, 2016 15:27

Душанбе, 25.11.2016 /АМИТ «Ховар»/. Шукурҷон Зуҳуров, раиси Маҷлиси намояндагон зимни малоқот бо раиси Ассамблеяи миллии Ҷумҳурии Исломии Покистон Сардор Аёз Содиқ густариши ҳамкорӣ миёни Тоҷикистон ва Покистонро дар соҳаи энергетика муҳиму зарурӣ арзёбӣ кард.
«Тоҷикистон ба ҷалби сармоягузории покистонӣ дар татбиқи лоиҳаҳои гидроэнергетикӣ ҳавасманд буда, чунин мешуморад, ки амалӣ шудани лоиҳаҳои муштарак дар бахши энергетика на танҳо ба манфиати ду кишвар хизмат мекунанд, балки барои рушди минбаъдаи иқтисодиву иҷтимоии кишварҳои минтақа заминаи амалӣ мегузоранд», — зикр гардид зимни мулоқот.
Мувофиқи иттилои котиби матбуотии Маҷлиси намояндагони мамлакат, имрӯз дар шаҳри Санкт-Петербург мулоқоти сарони парлумони ду кишвари дӯст — Тоҷикистону Покистон баргузор гардид.
Ҷонибҳо иштироки фаъолонаи Ҷумҳурии Исломии Покистонро дар татбиқи лоиҳаи бузурги байнидавлатии хатти интиқоли барқи баландшиддати КАСА-1000 таъкид карда, зикр намуданд, ки барои амалӣ намудани чунин тарҳҳои барои кишварҳои минтақаи Осиёи Марказӣ муҳим захираҳои калони обии Тоҷикистон, ки тақрибан ба 60% обҳои минтақа баробар аст, созгор мебошанд.
Сардор Аёз Содиқ изҳор кард, ки сатҳи ҳамкории байнипарлумонии кишварҳои мо қаноаткунанда буда, дар баробари ин имконоти истифоданашуда зиёданд.
Таъкид гардид, ки Тоҷикистон ҳамчунин хоҳони ҳузури бештари сармоягузорони покистонӣ, таъсиси корхонаҳои муштараки истеҳсоли семент, маҳсулоти сохтмонӣ ва коркарди пӯст мебошад.

Ноябрь 25, 2016 15:27

Хабарҳои дигари ин бахш

Имрӯз дар ноҳияҳои алоҳидаи кӯҳии Тоҷикистон борони кӯтоҳмуддат меборад
«ИЛМ-ФУРӮҒИ МАЪРИФАТ». Дар ноҳияи Рӯдакӣ даври ноҳиявии озмуни ҷумҳуриявӣ баргузор гардид
РОҲСОЗӢ-КОРИ ХАЙР. Сокинони ноҳияи Спитамен маблағи барои ҳаҷ ҷамъовардаашонро дар мумфаршкунии роҳҳо сарф карданд
Имрӯз дар шаҳри Душанбе ҳаво 34 дараҷа гарм мешавад
Имрӯз дар шаҳри Душанбе ҷаласаи 28-уми Шурои роҳбарони мақомоти муҳоҷирати давлатҳои иштирокдори Иттиҳоди Давлатҳои Мустақил доир мегардад
Дар ноҳияи Фирдавсӣ ташкилоти ҳизбии «Ободкор» ва «Шири Ватан» таъсис дода шуданд
Дар шаҳри Санкт-Петербург ҷаласаи комиссияи доимии Ассамблеяи парламентӣ оид ба масъалаҳои ҳуқуқӣ баргузор гардид
Агар барқ хомӯш шуд – мо вориди интернет мешавем
Имрӯз дар Тоҷикистон ҳавои камабри бебориш пешгӯӣ мешавад
«ЧИЛ РӮЗИ ҲАЁТИ КӮДАКОН». Дар шаҳру ноҳияҳои Хатлон бахшида ба Рӯзи байналмилалии ҳифзи кӯдакон ҳамоишҳо доир мегарданд
«ТОҶИКИСТОНИ МАН!». Дар шаҳри Ҳисор ҳамоиши ҷоизасупорӣ ба ғолибони ин маҳфил-озмун доир гардид
Дар Кӯлоб оид ба ташаккули иқтисоди «сабз» чун омили рушди устувори иқтисоди миллӣ ҳамоиш доир шуд