Ҷаласаи Гурӯҳи корӣ оид ба эълон шудани Даҳсолаи байналмилалии амал «Об барои рушди устувор» доир шуд
ДУШАНБЕ, 24.12.2016. /АМИТ «Ховар»/. Имрӯз дар назди Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа бо иштироки роҳбарони вазорату идораҳо ва ташкилоту муассисаҳои давлати ҷаласаи Гурӯҳи корӣ доир ба қабул гардидани Қатъномаи Маҷмаи Умумии Созмони Милали Муттаҳид оид ба эълон шудани Даҳсолаи байналмилалии амал «Об барои рушди устувор» доир гардид.
Дар ҷаласа рафти татбиқи ҳадафи Даҳсолаи нав, ки аз ҷониби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешниҳод шуда буд, таҳлилу баррасӣ гардид.
Дар ҷаласа аз ҷумла қайд шуд, ки дар тамоми сафоратхонаҳо ва корпусҳои дипломатии Тоҷикистон дар хориҷи кишвар оид ба мавзӯи мазкур мизҳои мудаввар ташкил карда шуда, натиҷаи онҳо дар ВАО-и кишварҳои мустақар бо забонҳои гуногун нашр карда шаванд.
Инчунин, таъкид гардид, ки вазорату идораҳои дахлдор, вазоратҳои маориф ва илм, фарҳанг, тандурусти ва ҳифзи иҷтимоӣ, Академияи илмҳо, Маркази тадқикоти стратегӣ, Маркази исломшиносӣ, Кумитаи оид ба корҳои дин, танзими анъана ва ҷашну маросимҳои миллӣ, муассисаҳои олӣ баҳри таблиғу ташвиқи ҳамаҷонибаи масъалаи мазкур чораҷӯӣ намоянд.
Ҳамзамон, ба ВАО-и давлатӣ, аз ҷумла шабакаҳои телевизионӣ супориш дода шуд, ки бо ҷалби мутахассисони варзида доир ба мавзӯи мазкур рубрикаҳои нав ифтитоҳ намуда, мунтазам бо барномаҳои марбута, мақолаву мусоҳибаҳо ҳадафҳои Даҳсолаи навро инъикос намоянд.
Ба иттифоқҳои нависандагон, композиторон ва рассомон тавсия дода шуд, ки бо шеъру достонҳо, суруду мусиқӣ ва аксҳои ҷолиб масъалаҳои марбут ба обро тарғибу ташвиқ намуда, дар арсаи байналмилалӣ ибтикороти Тоҷикистонро муаррифӣ намоянд.
Дар Хуҷанд вобаста ба масъалаҳои мубрами маърифати ҳуқуқӣ дар шароити муосир конференсия баргузор гардид
Дар шаҳри Бӯстон ҷаласаи гурӯҳҳои кории ҳайатҳои ҳукуматии Тоҷикистон ва Қирғизистон баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Ба сокинони аз офати табиӣ зарардидаи ноҳияи Сангвор 17 манзили истиқоматӣ супорида шуд
COP29 бо қадамҳои муҳим дар самти мубориза бо тағйирёбии иқлим ва лоиҳаи нави маблағгузорӣ ба анҷом расид
Мактаб–интернати ҷумҳуриявии кӯдакони ятим ва Хона-интернати пиронсолон ва маъюбони ноҳияи Ёвон бо гармӣ таъмин мебошанд
«БЕҲТАРИН ҲАМСАР». Дар Тоҷикистон озмуни ҷумҳуриявӣ доир мешавад
Чӣ тавр ёварони овозӣ дар ҳолатҳои гуногуни зиндагӣ кумак мекунанд
Имрӯз дар баъзе ноҳияҳои Тоҷикистон туман мефарояд
Бо сокинони Ҷамоати деҳоти Пули Сангини шаҳри Норак доир ба шарҳи қонунҳои миллӣ вохӯрӣ баргузор шуд
«ВАРЗИШГАРОН – ПАРЧАМБАРДОРОНИ МИЛЛАТ». Таҳти ин унвон ҳамоиши варзишӣ ва барномаи фарҳангӣ баргузор шуд
Дар ноҳияи Шаҳринав тозакунии каналу заҳбур ва заҳкашҳо оғоз шуд
