Ду филми истеҳсоли Тоҷикистон дар ҷашнвораи филмҳои миллӣ дар Москва намоиш дода мешаванд
![](https://khovar.tj/wp-content/uploads/2016/12/Safari-avo-.jpg)
ДУШАНБЕ, 16.12.2016 /АМИТ «Ховар»/. Аз 17 то 24 декабр дар шаҳри Москва ҷашнвораи филмҳои миллӣ баргузор мегардад.
Тавре ки аз «Тоҷикфилм» ба АМИТ «Ховар» хабар доданд, «дар ҷараёни ҷашнвора ду филми истеҳсоли Тоҷикистон- «Мушкилкушо»-и Умед Мирзоширинов ва «Сафари ҳавоӣ»-и Далер Раҳматов мавриди намоиш қарор мегиранд».
Ба иттилои манбаъ, намоиши филмҳои тоҷикӣ рӯзҳои 19 то 23 декабр дар толори синамои «Иллюзион» сурат мегирад. Дар баробари филмҳои истеҳсоли Тоҷикистон, дар ҷашнвора намоиши филмҳои коргардонҳои Озарбойҷон, Арманистон, Гурҷистон, Ӯзбекистон, Қирғизистон, Қазоқистон ва Эстония низ дар назар аст.