Ҷоми ҷаҳон байни клубҳо: «Касима Антлерс»-и Япония дар финал

Декабрь 15, 2016 10:00

ДУШАНБЕ, 15.12.2016 /АМИТ «Ховар»/. Дар рақобатҳои Ҷоми ҷаҳон оид ба футбол байни клубҳо, ки дар Япония идома дорад,  чемпиони соли 2016-и ин кишвар клуби футболи «Касима Антлерс» ба бозии ниҳоӣ роҳхат гирифт. Дар ин бора сомонаи www.the-afc.com хабар медиҳад.
«Бори аввал дар таърихи гузаронидани Ҷоми ҷаҳон байни клубҳо дастаи осиёӣ ба бозии финалӣ роҳхат гирифт», -хабар медиҳад манбаъ.
КФ «Касима Антлерс»-и Япония имсол то бозии ниҳоӣ бар дастаҳои футболи «Окленд Сити» (Зеландияи нав, 1/8-ниҳоӣ) 2:1, «Мамелоди Сандаунз» (Африқои Ҷанубӣ, ¼ -ниҳоӣ) 2:0 ва «Атлетико Насйонал» (Колумбия, ½-ниҳоӣ) ғолиб омад. Вай акнун ғолиби бозии ҷуфти дуюми нимниҳоӣ «Реал»-и Мадрид ва «Америка»-ро, ки имрӯз сурат мегирад,  интизор аст.
Ёдрас мешавем, ки Чемпионати ҷаҳон байни клубҳо ( FIFA Club World Championship) аз ҷониби ФИФА соли 2000 таъсис ёфт. Баъдан дар соли 2005 номи он ба Ҷоми ҷаҳон байни клубҳо (FIFA Club World Cup)  тағйир дода шуд ва он имсол маротибаи 13-ум гузаронида мешавад. Дар он дастаҳои чемпиони 6 қитъа ва дастаи соҳиби майдон иштирок мекунанд.
«Барселона»-и Испания се маротиба (солҳои 2009, 2011 ва 2015) ин унвонро ба даст овардааст.

Декабрь 15, 2016 10:00

Хабарҳои дигари ин бахш

РӮЗИ ҶАҲОНИИ ФУТБОЛ. Ҳафтаи ҷаҳонии футбол ба таври густарда доир мегардад
Шоҳҷоизаҳои гӯштини миллии шаҳри Роғунро паҳлавонҳо аз Тоҷикистон ва Узбекистон сазовор шуданд
ФУТБОЛ. Қуръакашии марҳилаи муқаддамотии Ҷоми Тоҷикистон-2025 баргузор шуд
ФУТБОЛ. Дастаи мунтахаби Тоҷикистон бо тими миллии Камбоҷа бозии дӯстона анҷом медиҳад
Ҷудочиёни тоҷик барои иштирок дар чемпионати Осиё ба Тайиланд сафар намуданд
Аз Тоҷикистон дар мусобиқаи «Dushanbe Grand Slam 2025» 36 варзишгар иштирок менамояд
Ҳайати паҳлавонони тоҷик барои иштирок дар Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» муайян шуд
Варзишгарони тоҷик дар Чемпионати Осиё ва Уқёнусия оид ба самбо соҳиби 27 медал гардиданд
Шоҳҷоизаҳои гӯштини миллии шаҳри Ваҳдатро Сомон Аламов ва Ғазалшои Давлатшо сазовор шуданд
Ғолибону ҷоизадорони 15-умин Ниммарафони байналмилалии шаҳри Душанбе муайян гардиданд
Дастаи мунтахаби футзали Тоҷикистон бо тими миллии Узбекистон бозиҳои дӯстона анҷом дод
Дастаи мунтахаби наврасони Тоҷикистонро дар Фурудгоҳи байналмилалии Душанбе истиқбол намуданд