ШСХК «Барқи Тоҷик»: Дастури Пешвои миллат ҷиҳати ба миқдори се соат зиёд кардани таъминот бо неруи барқ дар минтақаҳои кишвар аз имрӯз роҳандозӣ шуд!
ДУШАНБЕ, 09.11.2016 /АМИТ «Ховар»/. Дирўз бо иштироки Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон навбати дуюми Маркази барқу гармидиҳии «Душанбе 2» мавриди баҳрабардорӣ қарор гирифт. Тавре дар суханронии Сардори давлат зикр гардид: «Дар натиҷаи ба кор оғоз намудани навбати дуюми Маркази барқу гармидиҳии «Душанбе 2» имкон пайдо мегардад, ки дар як шабонарӯз 7,2 миллион киловаттсоат неруи барқ истеҳсол карда шавад».
Дар ин бора аз Маркази матбуоти ШСХК «Барқи Тоҷик» хабар доданд.
Ҳамзамон Пешвои миллат дастур доданд, ки таъминоти барқ барои он минтақаҳои кишвар, ки дар доираи маҳдудият барқ мегиранд, ба миқдори се соат зиёд карда шавад.
Роҳбарият ва мутахассисони ШСХК «Барқи Тоҷик» бо истифода аз шароиту имконияти истифодаи самараноки захираҳои энергетикӣ ин дастури Пешвои миллатро аз имрӯз, 9 декабр амалӣ намуда, интиқоли барқро зиёд карданд. Акнун минтақаҳо пагоҳӣ аз соати 05-00 то 10-00 ва бегоҳӣ аз соати 17-00 то 22-00 барқ мегиранд.
Бо камоли эҳтиром аз муштариён хоҳиш карда мешавад, ки аз барқ сарфакорона истифода бурда, ҳаққи истифодаи неруи барқро сари вақт пардохт намоянд.
Вобаста ба риоя нашудани таъминоти барқ ва садамаҳо ҳар як муштарӣ метавонад тавассути телефонҳои боварӣ бо мо дар тамос шавад. Телефонҳои боварии ШСХК «Барқи Тоҷик»: 235-86-74; 235-86-84; 610-60-50
МАСЛИҲАТИ МУТАХАССИС. Истеъмоли хӯроки вазнин боиси авҷи бемории гастрит мегардад
«ПУЛИ ҲУШМАНД». Бо амалӣ гардидани ин барнома қонуншиканӣ ё истифодаи нафақаи шахси фавтида аз байн рафт
Дар шаҳри Бохтар бо иштироки собиқадорони соҳаи тандурустӣ ҳамоиш доир шуд
Дар Тоҷикистон беш аз 200 нафақагири аз садсола боло зиндагӣ мекунад
Дар ноҳияи Шоҳмансур Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
НИШАСТИ МАТБУОТӢ. Соли 2025 хароҷоти суғуртаи иҷтимоӣ ва нафақа беш аз 5 миллиард сомониро ташкил дод
НИШАСТИ МАТБУОТӢ. Шумораи сабти асноди ҳолати шаҳрвандӣ зиёд гардида, бекоршавии ақди никоҳ коҳиш ёфтааст
«Барномаи рушд ва рақамикунонӣ дар мақомоти иҷрои Ҷумҳурии Тоҷикистон барои солҳои 2026-2030» қабул гардид
НИШАСТИ МАТБУОТӢ. Барои риоя накардани танзими ҷашну маросим 1268 нафар беш аз 10 миллион сомонӣ ҷарима супориданд
ИМРӮЗ — РӮЗИ БАЙНАЛМИЛАЛИИ ПЕШГИРИИ ЭКСТРЕМИЗМИ ХУШУТАНОМЕЗ. Пешгирии ин зуҳурот омили муҳими таъмини амнияти ҷомеа аст
Дар Душанбе оид ба моддаҳои психотропӣ ва таъсири онҳо ҷаласаи корӣ баргузор гардид
Намояндагони Тоҷикистон дар Конгресси байналмилалии Москва оид ба рушди хизмати давлатӣ иштирок намуданд
