Футбол: ғалабаи Тоҷикистон бар Юнон дар бозиҳои байналмилалӣ барои ҷоизаи Гранаткин

Январь 9, 2017 10:40

ДУШАНБЕ, 09.01.2017/АМИТ «Ховар»/. Дастаи мунтахаби ҷавонони то 18-солаи мамлакат оид ба футбол дар бозии аввалини худ дар гурӯҳи «А» дар мусобиқаи байналмилалӣ барои хотира ва ҷоизаи аввалин ноиби президенти ФИФА Валентин Гранаткин, ки дирӯз дар шаҳри Санкт Петербурги Россия шурӯъ гардид, бар дастаи мунтахаби Юнон бо ҳисоби 1:0 ғалаба кард. Дар ин бора шабакаи телевизионии «Варзиш» хабар дод.
Дар вохӯрӣ, ки аслан бо бартарии тарафайн сурат гирифт, як голи задаи Эҳсони Панҷшанбе дар дақиқаи 55-ум аз зарбаи пеналтӣ пирӯзиро ба дастаи мунтахаби кишварамон мансуб гардонид.
Эҳсони Панҷшанбе, муаллифи аввалин гол дар ин мусобиқа бозингари беҳтарини вохӯрӣ байни дастаҳои мунтахаби Тоҷикистон ва Юнон эълон гардид.
Дар бозии даври навбатӣ футболбозони тоҷик бо ҳамтоёнашон аз Булғория вориди майдон мешаванд. Бозӣ 10-уми январ соати 16:15 бо вақти Душанбе оғоз мегардад.
Ёдрас мешавем, ки дар мусобиқаи байналмилалӣ барои хотира ва ҷоизаи Валентин Гранаткин 16 даста аз кишварҳои гуногуни ҷаҳон ширкат меварзанд. Дастаи мунтахаби Тоҷикистон дар як гурӯҳ бо Юнон (8 январ), Булғория (10 январ) ва Эстония (12 январ) бозӣ мекунад.
Гурӯҳи «А». Даври аввал
ТОҶИКИСТОН Юнон 1:0
Гол: Эҳсони Панҷшанбе, 55 аз пеналти.
Ҳайати дастаи мунтахаби ҷавонони Тоҷикистон: Далер Азизов, Ҳувайдо Малиев, Ҳусейн Нурматов, Ваҳдат Ханонов, Далер Ёдгоров, Кароматулло Саидов (Саидмухтор Азимов, 90), Зиёвуддин Фузайлов, Умарҷон Шарифов (Манучеҳр Сафаров, 86), Эҳсони Панҷшанбе, Шериддин Бобоев (Шаҳром Самиев, 78), Нуриддин Ҳамроқулов.
Огоҳӣ гирифтанд: Далер Ёдгоров, Кароматулло Саидов, Зиёвуддин Фузайлов, Вақдат Ханонов (Тоҷикистон).
Довари майдон: Антон Баталов (Россия).

Январь 9, 2017 10:40

Хабарҳои дигари ин бахш

Барои дарёфти «Ҷоми Раиси шаҳри Душанбе» Мусобиқаи байналмилалии гӯштингирӣ баргузор мегардад
ҶОМИ ОСИЁ-2025. Дастаи мунтахаби наврасони Тоҷикистон (U-17) дар Ҷидда тамринҳои навбатӣ баргузор намуд
Дар Чемпионати Осиё оид ба ҷудо Тоҷикистонро 13 варзишгар муаррифӣ менамояд
Ғолибони шоҳҷоизаҳои Мусобиқаи гӯштини миллӣ дар ноҳияи Темурмалик муайян шуданд
Душанбе мизбони Форуми Шурои олимпии Осиё ва ҳамбастагии олимпӣ мегардад
Дар Душанбе Ҷоми ҷаҳон оид ба велосипедронии кӯҳӣ баргузор мегардад
Абдулло Давлатов бозиҳои қисми ниҳоии Ҷоми Осиё-2025-ро доварӣ менамояд
Дастаи мунтахаби наврасони Тоҷикистон (U-17) панҷ бозии санҷишӣ анҷом дод
ЧЕМПИОНАТИ ТОҶИКИСТОН. Бозиҳои даври сеюми дастаҳои Лигаи олӣ оид ба футбол оғоз мегарданд
Рақибони дастаи мунтахаби занонаи Тоҷикистон оид ба футбол дар марҳилаи интихобии Ҷоми Осиё-2026 муайян шуданд
Ғолибони Мусобиқаи байналмилалии гӯштингирӣ дар шаҳри Истаравшан муайян шуданд
Дар Қалъаи Муғтеппаи шаҳри Истаравшан Мусобиқаи байналмилалии гӯштингирӣ оғоз ёфт