Қатар мизбони ҳамоиши ФИФА гардид

ДУШАНБЕ, 20.02.2017 /АМИТ «Ховар»/. Давлати Қатар макони баргузории ҳамоиши Федератсияти ҷаҳонии Футбол (ФИФА) гардид. Аз Тоҷикистон дар ин ҳамоиш ноиби аввали президенти Федератсияи футболи Тоҷикистон (ФФТ) Хуршед Мирзо иштирок кард.
Дар ҳамоиши ФИФА «FIFA Executive Football Summit» давоми ду рӯз масоили зиёде, аз қабили стратегияи «FIFA 2.0 Дурнамои оянда», «Forward» ва тарҳи нави гузаронидани чемпионати ҷаҳон мавриди баррасӣ қарор гирифтанд.
Ҳамоиш бо раисии президенти ФИФА Ҷанни Инфонтино ҷараён гирифт, ки дар он намояндагони федератсияҳои футболи як қатор кишварҳо, аз ҷумла Тоҷикистон, Озарбойҷон, Босния ва Гертсеговина, Дания, Ироқ, Яман, Қатар, Кипр, Кирғизистон, Литвия, Намибия, Нигерия, Россия, Судон, Сербия, Сурия, Танзания, Туркманистон, Ӯзбекистон, Уганда, Украина, Шведсия ва дигарон иштирок карданд.