З. Ализода: «Мо нисбат ба тақдири кӯдакони Сурия бетараф нестем»
ДУШАНБЕ, 03.02.2017 /АМИТ «Ховар»/. Нисбат ба тақдири кӯдакони тоҷик дар Сурия мо бетараф нестем ва баҳри баргардонидани онҳо ба Ватан тадбирҳои зарурӣ меандешем. Ин нуктаро имрӯз зимни нишасти матбуотӣ Ваколатдор оид ба ҳуқуқи инсон дар Ҷумҳурии Тоҷикистон Зариф Ализода иброз дошт.
Ба иттилои Ваколатдор, дар айни замон 204 кӯдаконе, ки шаҳрванди Ҷумҳурии Тоҷикистон мебошанд, бо падару модаронашон дар Сурия қарор доранд.
Ҳамчунин Зариф Ализода зикр кард, ки соли 2016 дар мақомоти Ваколатдор оид ба ҳуқуқи инсон 3558 адад муроҷиат ба қайд гирифта шудааст, ки нисбат ба соли 2015 -ум 84 муроҷиат бештар мебошад.
Бино ба гуфтаи Ваколатдор оид ба ҳуқуқи инсон, он муроҷиатҳое, ки ба онҳо ворид гардидаанд, асосан оид ба масъалаҳои ҳуқуқ ба муҳокимаи одилонаи судӣ, ҳуқуқ ба манзил, ҳуқуқ ба таъминот аз ҷониби падару модар, ҳуқуқ ба таъминоти иҷтимоӣ, ҳуқуқ ба меҳнат ва ҳуқуқ ба таҳсил мебошанд.
«Cоли сипаригардида мо бештар ба масъалаҳои амалӣ рӯ оварда, дар маҳаллаҳо санҷишу мониторингҳо гузаронидем, ки натиҷаовар буданд. Ҷиҳати ташвиқу тарғиб ва баланд бардоштани маърифатнокии шаҳрвандон мо корҳои зиёдеро ба анҷом расонидем»,-илова намуд З. Ализода.
Сафири Тоҷикистон бо Вазири энергетика ва маъданҳои Салтанати Умон мулоқот намуд
Имрӯз дар шаҳри Душанбе ҳаво то 31 дараҷа гарм мешавад
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
ГРАНТИ ПРЕЗИДЕНТӢ. Давоми солҳои соҳибистиқлолӣ ба 1395 нафар занон беш аз 45 миллион сомонӣ грант ҷудо гардид
35-СОЛАГИИ ИСТИҚЛОЛИЯТИ ДАВЛАТӢ. Дар ин давра Тоҷикистон ба дастовардҳои рушди устувор ноил гардид
