3 март-Рӯзи умумиҷаҳонии нависанда. Иттифоқи нависандагони Тоҷикистон масъалаи пешбарии асарҳои нависандагон ба ҷоизаҳои давлатиро баррасӣ мекунад
ДУШАНБЕ, 03.03.2017 /АМИТ «Ховар»/. Бо қарори анҷумани клуби байналмилалии ПЕН (P.E.N. International) ҳамасола 3 март ҳамчун Рӯзи умумиҷаҳонии нависанда таҷлил мешавад. Нахустин дар ҷаҳон ПЕН-клуб соли 1921 дар Лондон таъсис ёфта, номи ташкилот аз ҳарфҳои аввали калимаҳои англисии Poets (шоирон), Playwrights (драматургон), Editors (муҳаррирон), Essayists (эссенависон, очеркнависон) ва Novelists (романнависон) гирифта шудааст. Ва нахустин роҳбари ин клуб адиби барҷаста, дорандаи Ҷоизаи Нобел Ҷон Голсуорси буд.
ПЕН-клуб барои озодии матбуот талош намуда, ба муқобили сензура дар замони осоишта мубориза мебарад. 80 маркази Пен- клуб дар 60 давлати дунё аз рӯи барномаҳои худ амал менамоянд. Соле як маротиба ин марказҳо намояндагони худро ба анҷумани байналмилалии Пен- клуб, ки бо навбат дар Аврупо, Осиё, Африқо ва Амрико мегузарад, мефиристанд.
Тавре аз Иттифоқи нависандагони Тоҷикистон хабар доданд, дар кишвари мо маркази Пен-клуб дар шакли англисии он амал намекунад. Вале худи Иттифоқ вазифаи Пен-клуб ё маркази адабиро иҷро менамояд. Иттифоқи нависандагони Тоҷикистон ин рӯзро бо баргузории ҳар гуна маҳфилҳои адабӣ ва барномаҳои фарҳангӣ ҷашн мегирад.
Тибқи иттилои Ато Мирхоҷа, муовини аввали Раиси Иттифоқи нависандагони Тоҷикистон, аз ҷумла имрӯз, 3-юми март баргузории ҷаласаи машваратии Раёсати ИНТ дар назар аст, ки дар он масъалаи пешбарии асарҳои нависандагон ба ҷоизаҳои давлатии ба номи устодон С.Айнӣ ва М. Турсунзода баррасӣ мешавад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
