Бародарони заминфурӯш ба даст афтоданд
ДУШАНБЕ, 14.03.2017./АМИТ «Ховар»/. Агентии назорати давлатии молиявӣ ва мубориза бо коррупсияи Ҷумҳурии Тоҷикистон аз боздошти раиси хоҷагии деҳқонии «Бобои Мерган»-и ноҳияи А. Ҷомӣ Абдумутолиб Пиров ва бародараш Мирзомуддин Пиров барои гирифтани пора ба маблағи калон хабар медиҳад.
Тавре ки дар сомонаи Агентии мазкур омадааст, зимни баррасии аризаи шаҳрванд «А» муайян гардид, ки Абдумутолиб Пиров аз 05.05.2007 то ин ҷониб дар вазифаи раиси хоҷагии деҳқонии «Бобои Мерган»-и ноҳияи А. Ҷомӣ кор карда, бо маслиҳати пешакӣ бо бародараш Мирзомуддин Пиров моҳи феврали соли 2015 бо роҳи фиреб ба боварии шаҳрванд «А» даромада, ӯро бовар кунонидаанд, ки бар ивази маблағи 5000 доллари ИМА ба миқдори 0.06 га қитъаи замини наздиҳавлигиро аз заминҳои хоҷагии деҳқониашон, воқеъ дар деҳаи Файзободи ҷамоати деҳоти Иттифоқ ҷудо ва ҳуҷҷатгузорӣ карда медиҳанд.
Шаҳрванд «А» ба суханони онҳо бовар намуда, ба бародарон 2000 доллари ИМА ва 20000 рубли русӣ медиҳад. Бародарон маблағи мазкурро тасарруф намуда, ба манфиати худ истифода намудаанд.
Нисбат ба А. Пиров ва М. Пиров бо моддаи 247 қисми 3 банди «а»-КҶ Ҷумҳурии Тоҷикистон парвандаи ҷиноятӣ оғоз карда шуда, тафтишоти пешакии он идома дорад.
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
