Россия ва Тоҷикистон дар соҳаи энергияи атомӣ ҳамкорӣ мекунанд

ДУШАНБЕ, 01.03.2017. /АМИТ «Ховар»/. Тавре ки қаблан иттилоъ дода будем, 27-28 феврал президенти Федератсияи Россия Владимир Путин ба Ҷумҳурии Тоҷикистон сафарӣ расмӣ анҷом дод, ки аз ҷониби расонаҳои хабарии Россия ба таври васеъ инъикос гардид.
Аз ҷумла АИР «Новости» бо такя ба Корпоратсияи давлатӣ оид ба энергияи атомӣ «Росатом» таҳти унвони «Россия ва Тоҷикистон дар соҳаи энергияи атомӣ ҳамкорӣ мекунанд» маводеро интишор намуд, ки дар он чунин омадааст:
«Санади дахлдор 27 феврал зимни сафари президенти Федератсияи Россия Владимир Путин ба Тоҷикистон ба имзо расид. Онро роҳбари Корпоратсияи давлатӣ Алексей Лихачев ва президенти Академияи илмҳои Тоҷикистон Фарҳод Раҳимӣ ба имзо расониданд.
Москва ва Душанбе тасмим доранд дар тарҳрезӣ, бунёд, истифода ва қатъи истифодаи реакторҳои ҳаставии тадқиқотӣ ҳамкорӣ намуда, нақша доранд, ки ба сарфи сӯзишвории ҳастаӣ ва партовҳои радиоактивӣ, истифодаи партовҳои истеҳсолоти анҷомёфта оид ба истихроҷ ва коркарди уран, истеҳсоли радиоизотопҳо ва ба ҷорӣ намудани технологияҳои атомӣ дар саноат, тиб ва кишоварзӣ машғул шаванд.
Ҳамгироӣ хислати сулҳҷӯёна хоҳад дошт. Ба корхонаҳои энергияи атомӣ, ки дар Тоҷикитон хоҳиши кор кардан доранд, маркази «Росатом» дар Осиёи Марказӣ мусоидат хоҳад кард».