Дар нимсолаи аввал 3 ҳолати ғайриқонунии шикори Марко Поло ба қайд гирифта шудааст
ДУШАНБЕ, 18.07.2017 /АМИТ «Ховар»/. Дар соли равон 66 сар гӯсфанди Марко Поло шикор шуда, наздики 3 миллион сомонӣ ба буҷаи давлат ворид гардид.
Дар ин бора имрӯз зимни нишасти хабарӣ сардори шуъбаи назорати давлатии истифода ва ҳифзи олами набототу ҳайвоноти Кумитаи ҳифзи муҳити зисти назди Ҳукумати Ҷумҳурии Тоҷикистон Абдуқодир Маскаев иттилоъ дод.
Ба гуфтаи номбурда, дар мавсими соли 2017 аз тарафи Ҳукумати Ҷумҳурии Тоҷикистон барои шикори Марко Поло 85 квота ҷудо шуда, нархи ҳар яки он 45 ҳазор сомонӣ муқаррар карда шудааст.
Абдуқодир Маскаев баён намуд, ки дар ҳудуди ноҳияи Мурғоб аз тарафи шаҳрвандони кишвар 3 ҳолати шикори ғайриқонунии гӯсфанди Марко Поло ба қайд гирифта шудааст.
«Тибқи тавсияи Академияи илмҳои Ҷумҳурии Тоҷикистон дар мувофиқа бо 7 вазорату идораҳои дахлдор ба Ҳукумати Тоҷикистон пешниҳод шудааст, ки дар соли оянда бояд барои 85 сар гӯсфанди Марко Поло, 12 сар бузи пармашох, 3 сар гӯсфанди кӯҳии бухороӣ (Уриал) ва 10 сар хирси малла квота ҷудо карда шавад», — гуфт сардори шуъбаи назорати давлатии истифода ва ҳифзи олами набототу ҳайвоноти Кумитаи ҳифзи муҳити зисти назди Ҳукумати Ҷумҳурии Тоҷикистон.
Имрӯз дар Тоҷикистон ҳавои тағйирёбанда пешгӯӣ мешавад
Дар «Саноатсодиротбонк» чорабинии тантанавӣ ба ифтихори таҷлили Рӯзи Модар баргузор гардид
Имрӯз дар шаҳри Душанбе борони кӯтоҳмуддат меборад
Ҷамъи 11: МегаФон Тоҷикистон шабакаи идораҳои хизматрасонӣ ба муштариёнро васеъ менамояд
5-6 март дар Тоҷикистон борони бошиддат пешгӯӣ мешавад
Имрӯз дар Тоҷикистон борони бошиддат меборад
Дар Донишгоҳи давлатии молия ва иқтисоди Тоҷикистон оид ба роҳҳои пешгирии коррупсия, терроризм ва экстремизм ҳамоиш доир шуд
Дар Донишкадаи кӯҳию металлургии Тоҷикистон бахшида ба Рӯзи Модар ҳамоиш доир гардид
Бахшида ба Рӯзи матбуоти тоҷик дар Донишгоҳи давлатии ҳуқуқ, бизнес ва сиёсати Тоҷикистон ҳамоиш доир шуд
Имрӯз дар Тоҷикистон ҳавои абрнок пешгӯӣ мешавад
Дар Душанбе масоили афзоиши истеҳсоли маҳсулоти кишоварзӣ баррасӣ шуд
ДАРАХТ БИНШОН! Дар ноҳияи Айнӣ қариб 3000 бех ниҳол шинонида шуд
