Озмун барои муайян намудани беҳтарин корхона, муассиса ва ташкилоти давлатӣ оид ба корҳои ободонӣ
ДУШАНБЕ, 31.07.2017 /АМИТ «Ховар»/. Дар Мақомоти иҷроияи ҳокимияти давлатии шаҳри Душанбе ҷаласаи навбатии шиносоӣ бо тартибу талабот оид ба баргузории чорабиниҳои озмун мутобиқи Амри Президенти Ҷумҳурии Тоҷикистон аз 19 апрели соли 2017 ва фармоиши Ҳукумати Ҷумҳурии Тоҷикистон аз 22 феврали соли 2017 вабаста ба муайян намудани беҳтарин мақомоти марказии ҳокимияти давлатӣ, мақомоти иҷроияи маҳаллии ҳокимияти давлатӣ, корхона, муассиса ва ташкилоти давлатии ҷумҳуриявӣ оид ба корҳои ободонӣ, бунёди гулгаштҳо, сабзазоркунӣ, сохтмони майдончаи варзишӣ ва барқарорсозии боғҳо дар ҳудуди шаҳри Душанбе бахшида ба ҷашни 26-солагии Истиқлолияти давлатии Ҷумҳурии Тоҷикистон баргузор гардид.
Тавре аз Кумитаи рушди маҳали назди Президенти Президенти Ҷумҳурии Тоҷикистон ба хабарнигори АМИТ «Ховар» иттилоъ доданд, дар ҷаласа таҳти роҳбарии муовини Раиси шаҳри Душанбе Мавсума Муинӣ муовинони раисони ноҳияҳои шаҳр, сардори Раёсати банақшагирӣ ва арзёбии барномаҳои рушди махали Кумитаи рушди маҳал, аъзои комиссияи шаҳри Душанбе ва комиссияи ноҳиявӣ оид ба баргузории озмун ва кормандони Кумитаи рушди маҳал ширкат варзиданд.
Ҳадафи ҷаласа мушаххас намудани тартиб, шарти баргузории озмун ва муайян намудани ғолибҳо буд.
Кумитаи рушди маҳали назди Президенти Ҷумҳурии Тоҷикистон дар доираи вазифаҳои хеш бо мақсади ҳамкорӣ ва расонидани кумаки амалия дар якҷоягӣ бо Мақомоти иҷроияи ҳокимияти давлатии шаҳри Душанбе корҳои назаррасро ба анҷом расонида, омодагии худро барои ҳамкорӣ бо дигар сохторҳои давлатӣ баҳри омӯзиш ва корҳои фаҳмондадиҳӣ дар ин самт равона сохтааст.
Дар Хуҷанд барои пешгирии бемориҳои сироятӣ вохӯрӣ доир гардид
Баланд бардоштани маърифати ҳуқуқӣ заминаи боэътимоди рушди босуботи ҷомеа мебошад
Истифодаи самараноки заминҳои наздиҳавлигӣ заминаи хуби фаровонҳосилӣ ва таъмини амнияти озуқаворӣ аст
Имрӯз дар Тоҷикистон ҳарорати ҳаво ба 38 дараҷа мерасад
ИСТИФОДАИ БОСАМАРИ ЗАМИН. Сокини деҳаи Гулистони ноҳияи Кӯшониён аз замини наздиҳавлигӣ ду-се ҳосил ба даст меорад
Дар шаҳри Гулистон сохтмони корхонаҳо ва васлу насби дастгоҳу таҷҳизоти муосир идома дорад
Бо ташаббуси Кумитаи иҷроияи Ҳизби Халқии Демократии Тоҷикистон дар вилояти Хатлон оид ба китобу китобхона ташаббусҳои ҳизбӣ доир мегарданд
Ҳамкории Литсейи касбии техникии нақлиёти роҳи оҳани Душанбе ва Донишгоҳи давлатии Кубан тақвият меёбад
Дар намоишгоҳи «Сӯзании Панҷакент» намунаи маҳсули ҳунармандони чирадаст ба намоиш гузошта мешавад
МАСЛИҲАТИ МУТАХАССИС. Мураббои анҷир кори дил ва рагҳои хунгардро муътадил мегардонад
Дар ҳашарҳои экологӣ 9 км канори шоҳроҳи мошингарди Исфара-Хуҷанд аз партовҳо тоза карда шуд
Имрӯз дар Тоҷикистон сар задани селҳои пиряхӣ аз эҳтимол дур нест
