ЗИКРИ ХАЙР. Дар Хуҷанд дар бораи Бобоҷон Ғафуров китоби нав аз чоп баромад
ДУШАНБЕ, 15.09.2017 /АМИТ «Ховар»/. Дар шаҳри Хуҷанд китоби «Нобиға», ки ба қалами профессор Усмонҷон Ғаффоров ва номзади илмҳои таърих Аюбҷон Усмонов тааллуқ дорад, аз нашр баромад.
Тавре аз Хадамоти матбуоти Раиси вилояти Суғд хабар доданд, китоби мазкур ба таҳқиқу баррасии рўзгору осори академик Бобоҷон Ғафуров ҳамчун ходими сиёсиву давлатӣ, олим ва муаррих бахшида шудааст.
Манбаъ иттилоъ дод, ки «китоб барои мутолиаи доираи васеи хонандагон пешниҳод шуда, дар он мақоми Бобоҷон Ғафуров-шахсияти барҷастаи таърихи миллати тоҷик ва густаришу таблиғи андешаи миллӣ бар асоси корномаҳо ва таълифоти ў шарҳу тавзеҳ ёфтаанд». Тавре шоир фармудааст:
Зиндаю ҷовид монд ҳар кӣ накӯном зист,
К-аз ақибаш зикри хайр зинда кунад номро.
Академик Носирҷон Салимӣ дар пешгуфтори китоб навштааст, ки «маҷмўа гуфторҳои нодири Бобоҷон Ғафуровро бар асоси сарчашмаҳои мухталиф, суҳбат бо афроде, ки бевосита ҳамнишини ин қаҳрамони миллати тоҷик буданд, гирд оварда, дорои аҳамияти хосса ва мероси маънавии ин фарзанди бузурги миллат маҳсуб меёбад».
«Нобиға» пас аз «Тоҷикшиноси бузург» дуюмин китобест, ки ба истиқболи 110 — солагии академик Бобоҷон Ғафуров нашр гардидааст.
Ҳайати ҳунарии Театри давлатии академии опера ва балет дар Операи Рим ҳунарнамоӣ менамояд
ҲУКУМАТИ ЭЛЕКТРОНӢ. Дар Китобхонаи миллии Тоҷикистон беш аз 3 миллион нусхаи чопӣ нигоҳдорӣ мешавад
РУШДИ ҲУНАРҲОИ МАРДУМӢ. Дар Тоҷикистон сабадбофӣ бо шакли муосир рушд меёбад
Дар Ҷумҳурии Тоҷикистон Рӯзҳои фарҳанги Ҷумҳурии Мардумии Чин баргузор мегарданд
Оид ба муоширати бисёрфарҳангӣ, нақши забонҳо, адабиёт ва илм дар рушди ҷомеаи муосир конфронси байналмилалӣ доир шуд
Намояндаи Тоҷикистон дар Анқара дастовардҳои китобдорӣ ва рақамикунонии Тоҷикистонро муаррифӣ намуд
«ТОҶИКИСТОН». Таҳти чунин унвон дар Ҷумҳурии Арабии Миср маҷалла бо забони арабӣ нашр гардид
Китоби «Забони миллат – ҳастии миллат» бо 7 забон тарҷума ва нашр гардид
Дар шаҳри Дюсселдорф барномаи фарҳангии тоҷикон баргузор гардид
Дар Донишкадаи санъати театрии Русия намоиши театрии «Ҷавонии Мушфиқӣ» баргузор шуд
Дар Тоҷикистон Анҷумани сеюми забоншиносони давлатҳои ҳамзабону ҳамфарҳанг баргузор мегардад
Дар Китобхонаи миллии Тоҷикистон оид ба нақши оила дар камолоти маънавии фарзанд ҳамоиш доир шуд
