«АЗ ШУМО ҒАЛАБА ИНТИЗОРЕМ!». Муроҷиати видеоии Шариф Назаров, Зебунисо Рустамова ва Муҳаммад Ғоиб ба бозингарони дастаи «Истиқлол»

Ноябрь 4, 2017 12:15

ДУШАНБЕ, 04.11.2017./АМИТ «Ховар»/. Имрӯз – рӯзи футболи калон аст! Баъди чанд соат, аниқтараш расо соати 18:00 дар Варзишгоҳи марказии шаҳри Ҳисор бозии финалии мусобиқои 14-ум барои дарёфти Ҷоми КФО (Конфедератсияи футболи Осиё)  миёни чемпиони шашкаратаи Тоҷикистон дастаи  «Истиқлол» ва чемпиони шашкаратаи Ироқ дастаи «Эйр Форс» шуруъ мешавад.

Дар арафаи ин вохӯрии ҳалкунанда Мураббии шоистаи ИҶШС ва Тоҷикистон Шариф Назаров, чемпиони ҷаҳон (1975)  ва дорандаи медали биринҷии Бозиҳои олимпӣ дар Монреал (1976) Зебунисо Рустамова ва Шоири халқии Тоҷикистон, дорандаи Ҷоизаи давлатии ба номи Рӯдакӣ Муҳаммад Ғоиб ба бозингарони дастаи дӯстдоштаи худ «Истиқлол» муроҷиат намуданд.

Муроҷиати видеоии онҳо дар сомонаи дастаи «Истиқлол» ҷой дода шудааст.

 Шариф НАЗАРОВ, Мураббии шоистаи ИҶШС ва Тоҷикистон:

«Ҳамагӣ як қадами дигар мондааст, то ки ба қуллаи мурод бирасем. Ин қадам, албатта, душвор аст, зеро роҳи тӯлонӣ, ҳаяҷону изтироб, кӯшиишу талошҳои зиёд барои расидан ба ин қулло тай шудааст.

Бинобарин, мехоҳам бароятон арз кунам: бачаҳо, ҳама чиз дар дасти худатон аст. Мо аз шумо ғалабаро интизорем.

Ман итминон дорам, ки футболи тоҷик аз нав эҳё гардидааст. Ва инро маҳз шумо рӯзи 4 ноябр собит менамоед ва чемпион, соҳиби Ҷоми Осиё мегардед.

Мехоҳам бароятон чунин орзу кунам: соати 18 бозӣ шуруъ мешавад, соати 20.00 дар ҳар як гӯшаи Ватани азизамон, дар ҳар хонадон номи шумо садо медиҳад. Волидайн ба кӯдакони нав ба дунёомадаашон номҳои шуморо мегузоранд, ба умеди он ки ин кӯдакон оянда калон ва шояд футболбоз шаванд.

Барои ҳамин, бачаҳо, ба пеш! Боварӣ дорем, ки мураббӣ тактикаи дурустро интихоб ва ба шумо пешниҳод меунад. Шумо бошед ба мураббии худ кӯмак менамоед. Ва мо якҷоя ба ин ғалаба ноил мегардем.

Ба шумо барор мехоҳам, «Истиқлол»!».

Зебуннисо РУСТАМОВА, чемпиони ҷаҳон ва дорандаи меди биниҷии Бозиҳои олимпӣ оид ба камонварӣ:

«Имрӯз, ки шумо ба финал баромадаед, ин худ аллакай як қаҳрамонии бузург аст. Мо боварӣ дорем, ки дар вохӯрии  финалӣ низ хуб бозӣ карда, натиҷаи баланд ба даст меоред!».

 

Муҳаммад Ғоиб, Шоири халқии Тоҷикистон, дорандаи Ҷоизаи давлатии ба номи Рӯдакӣ:

«Ман боварӣ дорам, ки дар ин бозӣ ҳам ғалаба насиби дастаи мо мегардад. Дастае, ки номаш «Истиқлол» — ҳаёту мамоти мост!

Зарба зан, зарба зан, «Истиқлол»,

Ифтихори Ватан, «Истиқлол»!».

 

Ноябрь 4, 2017 12:15

Хабарҳои дигари ин бахш

Дар Душанбе ҷаласаи Кумитаи футзали Федератсияи футболи Тоҷикистон баргузор гардид
Мусобиқаҳои варзишӣ оид ба футболи хурд ва шоҳмоту шашка байни кормандони вазорату идораҳо ҷамъбаст шуд
ФУТБОЛ. Мунтахаби Тоҷикистон «CAFA Nations Cup 2025»-ро бо бозӣ муқобили Малайзия оғоз менамояд
Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад