«Бунёди Зиёдулло Шаҳидӣ ва ҷавонон». Дар Душанбе китоби хабарнигори АМИТ «Ховар» рӯнамоӣ гардид
ДУШАНБЕ, 09.11.2017 /АМИТ «Ховар»/. Имрӯз дар Муассисаи давлатии “Мактаб-интернати миёнаи махсуси мусиқии ҷумҳуриявии ба номи Зиёдулло Шаҳидӣ” китоби «Бунёди Зиёдулло Шаҳидӣ ва ҷавонон», ки ба қалами хабарнигори АМИТ «Ховар» Лайло Тоирӣ тааллуқ дорад, рӯнамоӣ гардид.
Тавре мухбири АМИТ «Ховар» иттилоъ медиҳад, дар расми муаррифии китоби мазкур, ки бахшида ба Соли ҷавонон ва 30-солагии таъсиси Осорхонаи ҷумҳуриявии маданияти мусиқии ба номи Зиёдулло Шаҳидӣ ба нашр расидааст, Мунира Шаҳидӣ, раиси Бунёди байналмилалии Зиёдулло Шаҳидӣ, намояндагони маркази фарҳангии «Бохтариён» ва донишҷӯён иштирок намуданд.
«Дар китоб бештар андешаҳои раиси Бунёди байналмилалии Зиёдулло Шаҳидӣ Мунира Шаҳидӣ дарҷ гардида, он барои қишрҳои гуногуни ҷомеа, махсусан ҷавонон пешбинӣ гардидааст. Инчунин дар он мусоҳибаҳои Мунира Шаҳидӣ, ки дар маҷаллаҳои бонуфузи олам нашр шуда, масъалаҳои робитаҳои илмӣ-фарҳангии Тоҷикистон ва ҷаҳонро баррасӣ менамоянд, гирд оварда шудаанд»,- зикр кард Лайло Тоирӣ.
«Лайло Тоирӣ намояндаи он рӯзноманигорони ҷавон мебошад, ки дар ҳақиқат мехоҳад як чизи навро пайдо намояд, дарк кунад ва ба дигарон пешниҳод созад. Чунин журналистон барои ҷомеаи имрӯзаи мо хеле заруранд, то ки таъсири мусиқии муосир ва ҳимояи фарҳанги миллиро ба ҷомеа расонанд»,-гуфт Мунира Шаҳидӣ ва илова намуд: «Ман фикр мекунам нашри ин китоб метавонад ба афкори мардум то андозае таъсир гузорад. Бахусус ин ибтикоре, ки Лайло Тоирӣ нишон дод, онро метавон дар Соли ҷавонон туҳфаи арзандае барои ҷавонон номид».
Маврид ба зикр аст, ки дар китоби «Бунёди Зиёдулло Шаҳидӣ ва ҷавонон» оид ба таърихи таъсиси Осорхонаи ҷумҳуриявии маданияти мусиқӣ ва Бунёди байналмилалии Зиёдулло Шаҳидӣ, нақши Зиёдулло Шаҳидӣ дар бунёди операи миллии Тоҷикистон, шинохти Бунёди байналмилалии Зиёдулло Шаҳидӣ чун созмони фарҳангӣ ва сулҳофарӣ ва дигар мавзӯъҳои муҳим аз фаъолияти Зиёдулло Шаҳидӣ гирд оварда шудаанд.
Умед аст, ки дӯстдорони китоб аз хондани қиссаҳои ҷолиб ва дидани аксҳои солҳои пешин, ки гувоҳи фаъолияти пурмаҳсули Зиёдулло Шаҳидиянд, маъниҳои тоза мебардоранд.
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
Қобилҷон Хушвахтзода: «Ташаббусҳои Пешвои миллат оид ба масоили об дар ҳалли масъалаҳои истифодаи оқилонаи захираҳои обии сайёра нақши муҳим доранд»
Намоиши ёдгориҳои таърихии Ҷумҳурии Тоҷикистон дар Ҷумҳурии Мардумии Чин баргузор мегардад
Муовини Сарвазири Тоҷикистон Дилрабо Мансурӣ бо ёрдамчии Дабири кулли ЮНЕСКО Лидия Артур Брито мулоқот намуд
КОНФРОНСИ БАЙНАЛМИЛАЛИИ САТҲИ БАЛАНД ОИД БА ҲИФЗИ ПИРЯХҲО. Обшавии босуръати пиряхҳо дар Арктика ва Антарктида боиси ноустувории қабатҳои ях мегардад
Конфронси байналмилалии сатҳи баланд оид ба ҳифзи пиряҳоро гурӯҳи калони хабарнигорони расонаҳои Эрон инъикос менамояд
Тақвияти робитаҳои илмӣ байни Чин ва Тоҷикистон баррасӣ гардид
