Дар Москва аввалин асари таълимӣ таҳти унвони «Сиёсати хориҷии кишварҳои ИДМ» ба нашр расид
ДУШАНБЕ, 6.12.2017 /АМИТ «Ховар»/. Дар Федератсияи Россия китоби таълимии «Сиёсати хориҷии кишварҳои ИДМ» нашр гардид. Асари мазкур дар чопхонаи «Аспект-Пресс»-и Москва ба табъ расидааст.
Он асари дастаҷамъонаест, ки тайи се сол ҳамроҳ бо гурӯҳи муаллифон доктори илмҳои таърих, мушовири калони бахши Ёрдамчии Президенти Ҷумҳурии Тоҷикистон Зафар Сайидзода онро таълиф намудааст.
Ба китоб раиси кумитаи иҷроия- котиби иҷроияи ИДМ Сергей Лебедев сарсухан навишта, ин маводи таълимӣ ба омӯзиши равандҳои ҳамгироӣ дар ҳудуди кишварҳои ИДМ бахшида шудааст.
Ҳайати муаллифони байналмилалӣ, ки тамоми кишварҳои узви ИДМ-ро намояндагӣ мекунанд, таҳти роҳбарии бевоситаи кафедраи назария ва таърихи муносибатҳои байналмилалии Донишгоҳи «Дӯстии халқҳо»-и Россия тамоми равандҳои сиёсати хориҷии давоми 25 соли охирро ба қалам додааст.
Ба ғайр аз нашри кунунӣ ҳамчунин чопи электронии ин мавод мавҷуд аст. Дар охири ҳар як бахш саволҳои санҷишӣ ва номгӯи адабиёт дода шудааст.
Ин маводи таълимӣ барои донишҷӯёну аспирантони риштаҳои «Муносибатҳои байналмилалӣ», «Сиёсатшиносӣ», «Минтақашиносии хориҷӣ» дар кишварҳои ИДМ хеле муфид хоҳад буд.
Маросими рӯнамоии тантанавии ин асари дастаҷамъӣ 15 декабри соли 2017 дар Донишгоҳи «Дӯстии халқҳо»-и Россия дар доираи конфронси «Сиёсати хориҷии Россия дар ҳудуди кишварҳои ИДМ» бо иштироки муаллифон сурат мегирад.
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
