Дастаи «Хуҷанд» маротибаи чаҳорум Ҷоми Тоҷикистонро ба даст овард

Декабрь 5, 2017 09:51

ДУШАНБЕ, 05.12.2017./АМИТ «Ховар»/. Дастаи «Хуҷанд»   бори чаҳорум соҳиби Ҷоми Тоҷикистон шуд. Дар ин бора ба АМИТ «Ховар»  аз Федератсияи футболи Тоҷикистон хабар доданд.

Бозии финалӣ барои дарёфти Ҷоми Тоҷикистон, ки 2-юми декабр  дар Варзишгоҳи марказии шаҳри Душанбе баргузор шуд, дастаҳои «Истиқлол»- и Душанбе ва «Хуҷанд»-и Хуҷанд бо ҳам рақобат карданд.

Гуфта мешавад, ки дар даври ниҳоии бозии футбол барои дарёфти Ҷоми Тоҷикистон дастаи Рустам Хоҷаев дастаи «Истиқлол»-ро бо ҳисоби 2:0 мағлуб намуд. Ин пирӯзӣ бо ба нишон расонидани тӯб аз ҷониби Манучеҳр Аҳмадов (дар дақиқаи 41-уми бозӣ) ва Ҳикматулло Расулов  (дақиқаи 56)   ба даст омад.

Дар ин бозӣ капитани дастаи «Хуҷанд» Манучеҳр Аҳмадов бозингари беҳтарин шинохта шуд.

Ҳамин тавр бозингарони дастаи «Хуҷанд»    маротибаи чаҳорум   Ҷоми Тоҷикистонро ба даст оварданд. Аз ин пеш дастаи  «Хуҷанд» солҳои 1997/1998, 2002 ва 2008-ум Ҷоми Тоҷикистонро ба даст оварда буд.

Декабрь 5, 2017 09:51

Хабарҳои дигари ин бахш

Таҳкими ҳамкорӣ байни Тоҷикистон ва вилояти Форси Эрон дар бахши ҷавонон ва варзиш баррасӣ гардид
Дар Ҳисор мусобиқаи «CAFA Nations Сup 2025» дар гурӯҳи «В» оғоз мешавад
Ҳайати Кумитаи кор бо ҷавонон ва варзиши Тоҷикистон бо Академияи Кумитаи миллии олимпии Эрон шинос шуд
Барномаи иҷроии ҳамкорӣ байни Тоҷикистон ва Эрон дар соҳаи варзиш ва ҷавонон ба имзо расид
Бо иштироки ҷавонони Тоҷикистон ва Эрон ҳамоиш доир гардид
Дар Теҳрон густариши ҳамкории Тоҷикистон ва Эрон дар самти ҷавонон ва варзиш баррасӣ гардид
Ғолиби «Ҷоми Раиси ВМКБ» аз намуди волейбол муайян карда шуд
«Tojiktelecom» сарпарасти расмии мусобиқаи бонуфузи байналмилалии Осиёи Марказӣ ва Ҷанубӣ — CAFA Nations Cup 2025 гардид
ФУТБОЛ. Бозии ниҳоии Ҷоми Тоҷикистон-2025 байни «Регар-ТадАЗ» ва «Эсхата» дар Хуҷанд доир мегардад
Дар Тоҷикистон лоиҳаи «Football For Schools»-и ФИФА амалӣ карда мешавад
ҶОМИ ТОҶИКИСТОН. Дастаҳои футболи «Регар-ТадАЗ» ва «Эсхата» ба финали ин мусобиқа роҳ ёфтанд
Дар вохӯрии дастаҳои Тоҷикистон ва Ҳиндустон автомобили BYD ба бозӣ гузошта мешавад