Паёми Пешвои миллат роҳи рушди мамлакатро барои солҳои минбаъда муайян намуд

Январь 12, 2018 14:50

ДУШАНБЕ, 12.01.2018. /АМИТ «Ховар»/. Кумитаи иҷроияи ҲХДТ дар ноҳияи Шоҳмансур дар кумитаву ташкилотҳои ибтидоии ҳизбии ноҳия омӯзиши нуктаҳои Паёми солонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба роҳ мондааст.

Бо ин мақсад дар ташкилоти ибтидоии «Навоварони ҷавон»-и Коллеҷи техникии Донишгоҳи техникии Тоҷикистон ба номи академик М. Осимӣ бо иштироки вакили Маҷлиси намояндагони Маҷлиси Олии Ҷумҳурии Тоҷикистон Рустам Қудратов,  муовини раис-роҳбари дастгоҳи Кумитаи иҷроияи ҲХДТ дар ноҳияи Шоҳмансур Изатуллои Ҳабибзод, намоянда аз Маркази қонунгузории назди Президенти Ҷумҳурии Тоҷикистон ва роҳбарияти коллеҷи мазкур ҷамъомад баргузор гардид.

Дар ҷамъомад зикр шуд, ки дар Паёми навбатии Пешвои миллат оид ба  кам кардани санҷишҳо, додани имтиёзҳо барои рушди ҳунарҳои мардумӣ, мусоидат ба раванди бо шуғли асосӣ фаро гирифтани шаҳрвандон, муҳайё намудани ҷойҳои нави корӣ, ҳифзи сиҳатии шаҳрвандон, пешгирӣ намудани вуруди маводи хӯрокворӣ ва  дорувории пастсифат ба ҷумҳурӣ, татбиқи як зумра барномаҳои давлатӣ, бунёди муассисаҳои соҳаи маориф, тандурустӣ, фарҳанг ва майдончаҳои варзишӣ, пешгирии гардиши ғайриқонунии маводи мухаддир, зиёд намудани кишти такрорӣ, ба роҳ мондани коркард ва  истеҳсоли  маҳсулоти рақобатпазир дар дохили мамлакат,  навсозии неругоҳҳои барқӣ-обӣ, зиёдшавии музди маош аз моҳи сентябр, рушди инфрасохтори маҳал, тағйирёбии иқлими сайёра ва расидан ба се ҳадафи стратегии давлату Ҳукумати Ҷумҳурии Тоҷикистон таваҷҷуҳи хосса зоҳир карда шудааст.

Дар Паёми солона Пешвои миллат  соли 2018-ро Соли рушди сайёҳӣ ва ҳунарҳои мардумӣ эълон намуданд. Мақсади ин пешниҳод тараққӣ додани соҳаи сайёҳӣ ва муаррифии шоистаи имкониятҳои сайёҳии мамлакат ва фарҳанги миллӣ дар арсаи байналмилалӣ, инчунин ҷалби сармоя ба инфрасохтори сайёҳӣ мебошад.

Чунин вохӯриҳо дар дигар кумитаву ташкилотҳои ибтидоии ҳизбии ноҳия идома доранд.

Январь 12, 2018 14:50

Хабарҳои дигари ин бахш

Имрӯз дар Тоҷикистон ҳавои тағйирёбанда пешгӯӣ мешавад
Намояндагони Тоҷикистон дар Гурҷистон ва Арманистон мубодилаи донишу таҷриба менамоянд
СОЛИ МАЪРИФАТИ ҲУҚУҚӢ. Бахшида ба он дар ноҳияи Нуробод бо сокинон вохӯрӣ доир шуд
Имрӯз дар баъзе минтақаҳои Тоҷикистон чангу ғубор дар назар аст
Ҳайати Тоҷикистон дар ҷаласаи 65-уми Ассамблеяи Созмони ҷаҳонии моликияти зеҳнӣ иштирок намуд
Дар минтақаи Искандаркӯл давраи омӯзишии «Мубодилаи таълимӣ ва амалии намояндагони «Нозирони сабз» -2024» гузаронида шуд
Барои ҷавонони Тоҷикистон мактаби тобистонаи зиддикоррупсионӣ ташкил карда мешавад
ИСТИҚЛОЛИ ДАВЛАТӢ ВА ҲИФЗИ ДАСТОВАРДҲОИ ОН. Бо сокинону фаъолони ноҳияи Ҳамадонӣ вохӯрӣ доир шуд
12 ИЮЛ — РӮЗИ БАЙНАЛМИЛАЛИИ МУБОРИЗА БО ТӮФОНИ РЕГУ ЧАНГ. Дар Тоҷикистон тибқи Барномаи «Мамлакати сабз» то соли 2040 беш аз 2 миллиард дарахт шинонида мешавад
«ЗИМЧУРУД». Дар ин ҷо 1000 нафар хонанда ба истироҳат фаро гирифта мешавад
Имрӯз дар Тоҷикистон ҳаво то 37 дараҷа гарм мешавад
Кумитаи ҳифзи муҳити зист ба вилояти Хатлон 13 электромотороллер тақдим намуд