Сафири Тоҷикистон бо намояндагони Ҷумҳурии Чехия мулоқот намуд
ДУШАНБЕ, 27.01.2018 /АМИТ «Ховар»/. 24 январи соли 2018 Сафири Фавқулода ва Мухтори Ҷумҳурии Тоҷикистон дар Ҷумҳурии Чехия Маликшо Неьматов дар доираи сафари кориаш дар шаҳри Прага якчанд мулоқотҳои судманди корӣ анҷом дод. Дар ин бора ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд.
Сафири Точикистон Маликшо Неьматов ба Вазорати саноат ва савдои Чехия ташриф оварда, бо Сардори департаменти Аврупо ва кишварҳои ИДМ-и вазорат Мартин Поспишил мулоқот намуд. Ҷонибҳо ҳамкории дуҷонибаи иқтисодӣ-тиҷоратии Тоҷикистону Чехияро дар доираи комиссияи доимоамалкунандаи байниидоравӣ мавриди баррасӣ қарор дода, бо дарназардошти ҳавасмандии ҳарду ҷониб ҷиҳати вусъати ҳамкории мутақобилан судманд, баргузории ҷаласаи навбатии комиссияи байниидоравӣ оид ба ҳамкории иқтисодӣ-тиҷоратӣ байни Тоҷикистону Чехияро дар соли равон мувофиқи мақсад шумориданд.
Зимни мулоқоти Сафири Тоҷикистон бо Раиси палатаи савдо ва тиҷорати Чехия бо давлатҳои ИДМ Франтишек Масопуст оид ба натиҷаҳои форуми тиҷоратии Тоҷикистону Чехия, ки соли 2017 дар шаҳри Душанбе баргузор мешавад, табодули афкор сурат гирифт. Ҳарду ҷониб иброз доштанд, ки имкону захираҳои истифоданашудаи иқтисодии Тоҷикистону Чехия хеле фаровонанд ва дар ин самт дар оянда тадбирҳо андешида мешаванд.
Инчунин 24 январи соли 2018 Сафири Фавқулода ва Мухтори Ҷумҳурии Тоҷикистон дар Ҷумҳурии Чехия ба Вазорати корҳои хориҷии Чехия ташриф оварда, бо Сардори департаменти Осиё Мартин Клепетко мулоқот анҷом дод.
Мавзӯи мулоқотро ҳолати кунунӣ ва дурнамои ҳамкории мутақобилан судманди ду давлати дӯст- Тоҷикистону Чехия ташкил дода, вусьати ҳамкории дуҷонибаи сиёсӣ, иқтисодӣ, фарҳангӣ, илму маориф ва бахшҳои гуманитарӣ мувофиқи мақсад шуморида шуд.
Сафири Точикистон даъватномаи Ҳукумати Ҷумҳурии Тоҷикистонро ба унвонии Ҳукумати Ҷумҳурии Чехия ҷихати иштирок дар Конфронси байналмилалии сатҳи баланд “Об барои рушди устувор” барои солҳои 2018-2028, ки моҳи июни соли равон дар шаҳри Душанбе дар назар аст, супорида, ҳавасмандии ҷониби Тоҷикистонро ҷиҳати иштироки ҳайати Чехия дар ин конфронси муҳими байналмилалӣ иброз намуд.
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
Дар Рашт дар мавзуи «Ваҳдати миллӣ – асоси таҳкими давлатдории тоҷикон» конференсияи илмӣ-амалӣ баргузор гардид
