Дастаи мунтахаби миллии Тоҷикистон оид ба футбол дар раддабандии нави Федератсияи байналмилалии футбол як зина боло баромад

ДУШАНБЕ, 16.02.2018 /АМИТ «Ховар»/. Федератсияи байналмилалии футбол (ФИФА) раддабандии нави худро 15 феврал интишор кард.

Тавре сомонаи расии ФИФА хабар медиҳад, дастаи мунтахаби миллии Тоҷикистон бо 255 имтиёз дар мақоми 125 ҷой гирифтааст.

Дар байни дастаҳои  мунтахаби қитъаи Осиё Тоҷикистон дар байни 46 дастаи Конфедератсияи футболи Осиё мақоми 22-юмро касб кардааст.

Дар садри ҷадвали раддабандӣ тағйирот нашудааст. Германия дар мақоми аввал, Бразилия дар ҷои дуюм ва Португалия дар мақоми сеюм ҷойгиранд.

Раддабандии ФИФА аз 15 феврали соли 2018:

1 (1). Германия — 1602 имтиёз,

2 (2). Бразилия — 1484,

3 (3). Португалия — 1358,

4 (4). Аргентина — 1348,

5 (5). Белгия — 1325,

6 (6). Испания — 1231,

7 (7). Полша — 1213,

8 (8). Швейтсария — 1190,

9 (9). Фаронса — 1183,

10 (10). Чили — 1153…

125 (126). Тоҷикистон – 255…

Раддабандии навбатии ФИФА моҳи марти соли равон интишор хоҳад шуд.