Кумитаи иҷроияи ҳизбии ноҳияи Шоҳмансур Маркази рушди ҳунарҳои мардумӣ таъсис медиҳад
ДУШАНБЕ, 28.02.2018 /АМИТ «Ховар»/. Дирӯз дар мақомоти иҷроияи ҳокимияти давлатии ноҳияи Шоҳмансури шаҳри Душанбе маҷлиси навбатии Кумитаи иҷроияи Ҳизби Халқии Демократии Тоҷикистон дар ноҳияи мазкур баргузор гардид.
Тавре мухбири АМИТ «Ховар» иттилоъ медиҳад, дар он раисони кумитаву ташкилотҳои ибтидоии ҳизбии ноҳия, аъзои намояндагии Ташкилоти ҷамъиятии ҷавонон «Созандагони Ватан» ва раисони шаҳраку маҳаллаҳои ҳудуди ноҳия иштирок намуданд.
«Дар маҷлиси мазкур масъалаҳои омӯзиши Паёми навбатии Асосгузори сулҳу ваҳдати миллӣ, Пешвои миллат, Перезиденти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, омӯзиш ва дар амал тадбиқ намудани дастуру супоришҳои Раиси ҲХДТ Эмомалӣ Раҳмон, ки аз суханронияшон дар маҷлиси навбатии Кумитаи ичроияи марказии ҲХДТ бармеоянд ва дигар масъалаҳои мубрами рӯз мавриди омӯзишу баррасӣ қарор дода шуданд»,- иброз дошт муовини раис, роҳбари дастгоҳи КИ ҲХДТ дар ноҳияи Шоҳмансур Иззатуллои Ҳабибзод.
«Имсол дар мамлакат Соли рушди сайёҳӣ ва ҳунарҳои мардумӣ эълон гардидааст. Мо тасмим гирифтем, ки бахшида ба он дар назди Кумитаи ичроияи ҳизбии ноҳия Маркази рушди ҳунарҳои мардумӣ таъсис диҳем, то ки он барои ҷалби духтарони хонанишин ба касбомӯзӣ ва бо ҷойи кор таъмин намудани онҳо мусоидат намояд»,-гуфт И. Ҳабибзод.
Масъулин аз сиёсати пешгирифтаи имрӯзаи Президенти Ҷумҳурии Тоҷикистон муҳтарам Эмомалӣ Раҳмон ёдовар шуда, оид ба пешгирии ҷавонон аз шомилшавӣ ба ҳизбу ҳаракатҳои террористиву эктремистӣ ибрози андеша намуданд.
Дар маҷлис якчанд нафар ҷавонону бонувон ба узвияти ҲХДТ шомил шуда, ба иддае аз онҳо барои саҳми шоистаашон дар рушди бемайлони ҳизб ва дар амал татбиқ намудани ҳадафҳои он ифтихорномаву сипосномаҳо супорида шуданд.
Мавзеи сайёҳии «Арху» ба макони писандидаи сайёҳон табдил ёфтааст
Иштирокдорони Конфронси байналмилалии сатҳи баланд оид ба ҳифзи пиряхҳо бо корҳои сохтмонӣ дар НБО «Роғун» шинос шуданд
Эла Ионеску, намоянда аз Руминия: «Шумо, одамони хушбахтед, ки чунин Ватани зебо доред»
СИЁМА. Оби ин дарё ба даҳгонаи обҳои беҳтарини ҷаҳон дохил гардидааст
Варзишгар аз Амрико Каролина Глейш: «Ба дӯстону ҳамкоронам дар бораи табиати нотакрори Тоҷикистон нақл хоҳам кард»
Иштирокдорони Конфронси байналмилалии сатҳи баланд оид ба ҳифзи пиряхҳо мавзеъҳои таърихию фарҳангии Тоҷикистонро тамошо мекунанд
Барои сохтмони кампуси Донишкадаи байналмилалии Данғара лоиҳаи Бонки Исломии рушд амалӣ карда мешавад
Ҷаҳонгарди тоҷик Парчами Ҷумҳурии Тоҷикистонро дар нуқтаи баландтарини Антарктида парафшон намуд
Тоҷикистон барои қабули раисии Шурои Иттиҳоди Давлатҳои Мустақил оид ба сайёҳӣ изҳори омодагӣ намуд
Ноиби Президенти Бонки Осиёии рушд бо фаъолияти Донишгоҳи байналмилалии сайёҳӣ ва соҳибкории Тоҷикистон шинос шуд
Дар Кӯлоб форум ва намоишгоҳи байналмилалии сайёҳӣ баргузор мегардад
Меҳмонони Конфронси байналмилалии сатҳи баланд оид ба ҳифзи пиряхҳо бо имконоти сайёҳии дараи Ромит шинос мешаванд
