СОЛИ РУШДИ САЙЁҲӢ. Дар Душанбе Маркази хизматрасонии нақлиётӣ дар соҳаи сайёҳӣ зери бренди «Рахш таксӣ» таъсис дода шуд
ДУШАНБЕ, 10.02.2018 /АМИТ «Ховар»/. Имрӯз бо ташаббуси Кумитаи сайёҳии назди Ҳукумати Ҷумҳурии Тоҷикистон дар якҷоягӣ бо ҶДММ «Сайёҳон» ва таҳти сарпарастии Федератсияи футболи Тоҷикистон марҳилаи аввали Маркази хизматрасонии нақлиётӣ дар соҳаи сайёҳӣ бо 50 адад мошинҳои сабукрав зери бренди «Рахш таксӣ» таъсис дода шуд.
Дар маросими ифтитоҳи марказ раиси Кумитаи рушди сайёҳии назди Ҳукумати Ҷумҳурии Тоҷикистон Нуъмон Абдуғаффорзода иброз дошт, ки «нақлиёт қисми муҳими хизматрасонии сайёҳӣ мебошад. Аҳмияти умдаи Маркази мазкур дар он аст, ки сайёҳон аз истифодаи сифатноки хизматрасонии нақлиётӣ бархурдор мегарданд. Инчунин имконият ва захираҳои сайёҳии мамлакат тавассути расмҳои ҷолиб, ки дар қисми берунии мошинҳо ҷой дода шудаанд, таблиғ карда мешаванд».
Ба гуфтаи раиси Кумита, марҳилаи дуюми марказ дар ҳоли омодашавӣ қарор дорад.
Сипас бахшида ба Соли рушди сайёҳӣ ва ҳунарҳои мардумӣ таҳти унвони «Қадамҳои устувор дар рушди хизматрасониҳои сайёҳӣ» ҳамоиш баргузор гардид.
Дар ҳамоиш зикр шуд ки аз ҷониби Кумита дар ҳамкорӣ бо шарикони рушд вобаста ба таҳияи замимаҳои мобилӣ оид ба имкониятҳои сайёҳии Тоҷикистон дар шабакаи интернет, аз ҷумла, ба низоми интернетии Google, рушди тиҷоратикунонии соҳаи ҳунармандӣ ва таҳияи маҳсулоти сайёҳӣ озмун эълон карда шудааст.
Мақсади озмуни мазкур мусоидат ба мутахассисони ҷавон дар таҳияи лоиҳаҳо ва кашфи ғояҳои инноватсионӣ дар рушди сайёҳӣ ва ҳунармандӣ дар Тоҷикистон мебошад.
Дар ҳамоиш роҳбарони ширкатҳои сайёҳӣ, меҳмонхонаҳо, осоишгоҳу истироҳатгоҳҳо, устодон ва донишҷӯёни фаъоли риштаи сайёҳии макотиби таҳсилоти олии ҷумҳурӣ ширкат намуда, иброз намуданд, ки баргузории чунин чорабиниҳо ба ҷалби таваҷчуҳи ҷомеа ҷиҳати истифодаи оқилонаи захираҳои бойи сайёҳии мамлакат ва болоравии маҳсулоти сайёҳӣ заминаи мусоид фароҳам меорад.
Дар Эрон Форуми сайёҳии Тоҷикистон ва Эрон баргузор гардид
Донишгоҳи байналмилалии сайёҳӣ ва соҳибкории Тоҷикистон ва Донишгоҳи давлатии технологии Беларус ҳамкориро густариш медиҳанд
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
