Дар Душанбе ҷаласаи дувоздаҳуми Комиссияи байниҳукуматии Тоҷикистону Беларус оид ба ҳамкории тиҷоратию иқтисодӣ баргузор гардид
ДУШАНБЕ, 05.03.2018 /АМИТ «Ховар»/. Имрӯз бо ташаббуси Вазорати кишоварзии Ҷумҳурии Тоҷикистон дар Китобхонаи миллии Тоҷикистон ҷаласаи дувоздаҳуми Комиссияи байниҳукуматии Тоҷикистону Беларус оид ба ҳамкории тиҷоратию иқтисодӣ баргузор гардид.
Дар ҷаласаи мазкур масъалаҳои ҳамкории Тоҷикистону Беларус дар соҳаи кишоварзӣ, саноат, маориф ва илм, тандурустӣ, нақлиёт ва фарҳанг баррасӣ гардиданд.
Инчунин дар ҷаласаи дувоздаҳуми Комиссияи байниҳукуматии Тоҷикистону Беларус оид ба ҳамкории тиҷоратию иқтисодӣ зикр гардид, ки бо талошҳои тарафайн корхонаи муштараки Тоҷикистону Беларус оид ба ҷамъу васли тракторҳои МТЗ ва дигар олоти кишоварзӣ бунёд гардид. Ба гуфтаи масъулин, бунёди чунин корхона имкон медиҳад, ки дар оянда истеҳсоли тракторҳо ба роҳ монда, бозори дохилӣ бо тракторҳои хушсифат таъмин карда шавад.
Ташкили корхонаи коркарди истеҳсоли гӯшту шир ва хӯрокии чорво яке аз масъалаи муҳими ҷаласа буда, ба андешаи тарафайн, ин ҳамкорӣ дар оянда заминаи хуб фароҳам меорад.
Муовини раиси Палатаи савдо ва саноати Ҷумҳурии Тоҷикистон Манзура Рустамова иброз дошт, ки ҳамкорӣ дар бахши хусусӣ миёни ҷумҳуриҳои Тоҷикистону Беларус хуб дастгирӣ меёбад. Ҳоло ҳамкории байни палатаҳо, ки дар асоси созишнома роҳандозӣ мегардад, дар сатҳи баланд қарор дорад.
«Бо ташаббуси Палатаи савдо ва саноати Ҷумҳурии Тоҷикистон ҳамасола намоишгоҳи байналмилалии Тоҷикистон баргузор мегардад. Соли 2017 чунин намоишгоҳ доир гардид, ки дар доираи он якумин ҳамоиши доираҳои соҳибкорони се давлат: ҷумҳуриҳои Тоҷикистон, Беларус ва Афғонистон доир гардид. Пас аз баргузор гардидани чунин ҳамоиш чандин созишномаҳои бахши хусусӣ байни се давлат ба имзо расиданд. Дар назар аст, ки соли равон намоишгоҳи байналмилалии молҳои Тоҷикистон ва Беларус баргузор гардад. Мо омодаем, ки дар ин ҷода кумаки худро расонем, зеро ин амал барои боз ҳам баланд бардоштани сатҳи мубодилаи молу маҳсулоти ду давлат таъсири худро мерасонад»,- гуфт Манзура Рустамова.
Беҳтарнамоии сифат ва бехатарии ғизо бо коршиносони Созмони озуқаворӣ ва кишоварзии СММ баррасӣ гардид
ИСТИФОДАИ САМАРАНОКИ ЗАМИН. Сокини нoҳияи Вахш дар замини наздиҳавлигияш гармхона ташкил намуд
Дар Санкт-Петербург нахустин Форуми байналмилалии нақлиётӣ-логистикӣ доир гардид
Дурнамои рушди соҳаҳои маориф, тандурустӣ, меҳнат, муҳоҷират ва шуғли аҳолӣ муаррифӣ карда шуд
Дар шаҳри Москва ҷаласаи 109-уми Шурои иқтисодии ИДМ баргузор гардид
Ҳайати Тоҷикистон дар Тотористон бо фаъолияти корхонаҳои истеҳсолии парки технологии «ИСКРА-ВОЛГА» шинос шуд
Байни «Шабакаҳои интиқоли барқ»-и Тоҷикистон ва «Маркази илмӣ-техникии системаи ягонаи энергетикӣ»-и Русия Созишномаи ҳамкорӣ ба имзо расид
Рустам Минниханов: «Барои рушди ҳамкории бисёрҷониба байни Тоҷикистон ва Тотористон имконоти фаровон мавҷуданд»
Дар Қазон ҷаласаи 68-уми Шурои электроэнергетикии кишварҳои аъзои ИДМ баргузор шуд
«GEOSCIENCE & EXPLORATION CENTRAL ASIA». Ҳайати Тоҷикистон дар Форуми байналмилалии геологӣ иштирок намуд
Сармоягузорони Чин бо фаъолияти корхонаҳои истеҳсолии МОИ «Данғара» шинос шуданд
Вазири энергетика ва захираҳои оби Тоҷикистон дар Форуми байналмилалии электроэнергетикии Қазон – «ЭНЕРГОПРОМ» иштирок намуд
