Нодира Ҳамроева, Ҳунарпешаи шоистаи Ӯзбекистон: «Интизор набудам, ки барои тамошои «Маликаи хуфта» мухлисони зиёди балет ташриф меоранд»
ДУШАНБЕ, 30.04.2018 /АМИТ «Ховар»/. «Интизор набудам, ки барои тамошои намоишнома мухлисони зиёди балет ташриф меоранд. Густаришу тақвият ёфтани муносиботи дӯстона байни давлатҳоямон имкон дод, то фарҳанг ва санъату ҳунари тоҷикону ӯзбекҳо дубора ба ҳам пайванд гарданд. Ин рӯйдоди фарҳангиву таърихӣ ба мо — ҳунармандон неру мебахшад ва имконият медиҳад, ки барои рушд кардани санъати балети ҳарду давлат кӯшиш ба харҷ диҳем» — чунин иброз дошт дар суҳбат бо хабарнигори АМИТ «Ховар» Ҳунарпешаи шоистаи Ӯзбекистон, солисти Театри калони давлатии академии ба номи Алишери Навоии Ҷумҳурии Ӯзбекистон Нодира Ҳамроева баъд аз намоиши балети Пётр Илич Чайковский «Маликаи хуфта».
Ёдовар мешавем, ки намоиши балети П. И. Чайковский «Маликаи хуфта» бо иштироки солистони Театри калони давлатии академии ба номи А. Навоии Ҷумҳурии Ӯзбекистон, Ҳунарпешаи шоистаи Ӯзбекистон Нодира Ҳамроева ва солисти балети театри мазкур Улуғбек Олимов бегоҳии 28 апрели соли равон дар Театри давлатии академии опера ва балети ба номи Садриддин Айнӣ манзури ҳаводорони ин намуди санъат гардид.
Намоиш бо ташаббуси роҳбарияти Театри давлатии академии опера ва балети ба номи Садриддин Айнӣ ва бо мақсади амалӣ намудани созишномаи ҳамкории фарҳангӣ байни Тоҷикистону Ӯзбекистон, инчунин шинос намудани аҳли санъат ва тамошобини тоҷик бо ҳунарпешагони варзидаи ӯзбек ташкил карда шуд.
Мавриди зикр аст, ки Ҳунарпешаи Театри калони давлатии академии ба номи Алишери Навоии Ҷумҳурии Ӯзбекистон Нодира Ҳамроева аввалин парастуи (ласточка) балети ин давлат аст, ки дар саҳнаи театри тоҷик бо бинанда рӯ ба рӯ мешавад. Ӯ дар доираи созишномаи ҳамкории фарҳангӣ миёни Тоҷикистону Ӯзбекистон барои иҷрои нақши марказӣ дар балети «Маликаи хуфта» ба Ҷумҳурии Тоҷикистон даъват шуд. Дар намоиш ҳамчунин донишҷӯёни Коллеҷи хореографии ба номи Малика Собирова ҳунарнамоӣ карданд.
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
Донишҷӯёни Донишкадаи давлатии санъати тасвирӣ ва дизайни Тоҷикистон дар озмуни «Тоҷикистон-Ватани азизи ман» соҳиби се Шоҳҷоиза шуданд
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
