Сайёҳӣ дар Бадахшон ба рушди рӯзгори мардум таъсири хуб мерасонад
ДУШАНБЕ, 14.06.2018 /АМИТ «Ховар»/. Дар Вилояти Мухтори Кӯҳистони Бадахшон ҳоло 13 ширкати сайёҳӣ, 10 меҳмонхонаи замонавӣ ва 86 меҳмонхонаҳои хурд (ҳомстей) фаъолият доранд, ки онҳо дар пешрафти соҳаи сайёҳӣ, ташкили ҷойҳои нави корӣ ва паст кардани сатҳи камбизоатӣ нақши муассир мегузоранд.
Иҷрокунандаи сардори Раёсати ҷавонон ва варзиши вилоят Сураҷ Чоршанбиев гуфт, ки чун дигар манотиқи кишвар дар Бадахшон низ мавзеъ ва манзараҳои ҷолибу диданӣ барои ҷаҳонгардон мавҷуданд, ки дар гузашта бо сабаби набудани харитаи гардишгарӣ, меҳмонхона, алоқаи телефонӣ, мошинҳои пуриқтидори мусофирбар ва амсоли инҳо аз назари сайёҳон дар канор монда буданд.
Дар ду соли охир дар шаҳри Хоруғ ва ноҳияҳои Мурғобу Дарвоз марказҳои пазироии сайёҳон ба фаъолият оғоз намуданд. Дар ин марказҳо сайёҳон дар бораи мавзеъҳои таърихӣ, чашмаҳои шифобахш, кӯлу дарёҳо, фарҳангу ҳунари сокинони ноҳияҳои вилоят маълумоти пурра пайдо мекунанд.
Ба гуфтаи Сураҷ Чоршанбиев, «ноҳияи Ванҷ низ аз зумраи мавзеъҳои туристии кишвар мебошад, ки аксарияти ҷаҳонгардони олам ба ин ганҷинаи мамлакат мароқи зиёд доранд. Як қисми ҳудуди «Парки миллӣ» аз тариқи ноҳияи мазкур убур мекунад, ки пиряхҳои Федченко, Хирсон, Кашолаях, Чашмаи Шоҳмастон шомили он мебошанд. Давоми панҷ моҳи соли равон теъдоди зиёди сайёҳон аз Амрико, Австралия, Англия, Россия, Швейтсария, Нидерландия бо мақсади кӯҳнавардӣ ва боздид аз пиряхҳои бузурги Осиёи Марказӣ вориди ноҳия шуданд, ки аз ҳисоби онҳо маблағи муайян ба буҷаи ноҳия ворид гардид».
Бояд гуфт, ки ширкатҳои сайёҳӣ, ҳунармандони мардумӣ, соҳибони меҳмонхонаву марказҳои хизматрасонӣ дар мавсими имсола назар ба соли гузашта барои қабули меҳмонону сайёҳони дохилию хориҷӣ омодагии бештар дидаанд.
Дар маҷмӯъ, бахши сайёҳӣ дар ояндаи наздик ба рушди рӯзгори мардум таъсири хуб мерасонад.
Намояндагони Донишгоҳи байналмилалии сайёҳӣ ва соҳибкории Тоҷикистон дар Пекин дар ҳамоиш доир ба масоили «Иқтисоди сабз» иштирок намуданд
Ҳайати Донишгоҳи байналмилалии сайёҳӣ ва соҳибкорӣ дар конфронси байналмилалӣ дар Чин иштирок намуд
«Таҷлили Рӯзи Парчами давлатӣ барои баланд бардоштани ҳисси ватандӯстӣ ва бедор кардани эҳсоси ҳифзи марзу бум нақши муассир дорад», — бардошт аз ҳамоиш дар Кумитаи рушди сайёҳӣ
Донишгоҳи байналмилалии сайёҳӣ ва соҳибкории Тоҷикистон ва Донишгоҳи Чиндао Бинҳайи Чин Созишномаи ҳамкорӣ ба имзо расониданд
Дар Душанбе ҷаласаи даҳуми Шурои ҳамоҳангсози миллӣ оид ба рушди соҳаи сайёҳӣ баргузор гардид
Имконоти сайёҳии Ҷумҳурии Тоҷикистон ва Конфедератсияи Швейтсария муаррифӣ шуданд
ЭҲЁИ ҲУНАРҲОИ МАРДУМӢ. Бо Пешвои миллати фарҳангдӯст ва ҳунарпарварамон ифтихор дорем
Хатсайрҳои сайёҳӣ бо мақсади шиносоӣ бо таърихи фаъолият ва корномаи давлатсозии Эмомалӣ Раҳмон ҷамъбаст шуданд
Дар Исфара оид ба ташаббусҳои Президенти Тоҷикистон дар рушди сайёҳӣ ҳамоиш баргузор шуд
Дар Федератсияи варзиши сайёҳии Тоҷикистон ҷаласаи ҳисоботӣ – интихоботӣ доир гардид
РОҒУН-ШАҲРИ ПИСАНДИДАИ МЕҲМОНОН. Дар нуҳ моҳ беш аз 7 ҳазор сайёҳони хориҷӣ ва дохилӣ ба тамошои он омаданд
Бахшида ба Рӯзи Президенти Ҷумҳурии Тоҷикистон дар Душанбе хатсайрҳои сайёҳӣ ташкил гардиданд
