ЧЕМПИОНАТИ ҶАҲОН ОИД БА ФУТБОЛ: Ҳамаи ҷуфтҳои марҳилаи ¼-финалӣ муайян шуданд

Июль 4, 2018 10:00

ДУШАНБЕ, 04.07.2018. /АМИТ «Ховар»/. Охирин иштирокчии марҳилаи ¼- финалии Чемпионати ҷаҳон оид ба футбол дар Россия муайян шуд. Дар бозии 1/8-финалии Чемпионати ҷаҳон оид ба футбол дастаи мунтахаби Англия дар паи силсилаи зарбаҳои 11-метра, ки пас аз вақти асосӣ ва 30 дақиқаи иловагӣ сурат гирифтанд, дастаи мунтахаби Колумбияро шикаст дод. Бозии мазкур 3 июл дар варзишгоҳи «Спартак»-и Москва баргузор гардид.

Голҳоро дар ҳайати Англия Харри Кейн дар дақиқаи 57-ум тавассути ҷаримаи 11-метра ва дар ҳайати Колумбия Ерри Мина дар дақиқаи 93-юм вориди дарвоза намуданд.

Бозии ин дастаҳо дар вақти иловагӣ низ ғолибро муайян карда натавонист ва, бинобар ин, тақдири бозиро силсилаи зарбаҳои 11-метра ҳал намуд. Дар он дастаи мунтахаби Англия бо ҳисоби 4 бар 3 ғалаба ба даст овард.

Ҳамин тариқ, англисҳо ба марҳилаи ¼-финалии Чемпионати ҷаҳон — 2018 роҳ ёфта, 7 июл соати 19:00 ба вақти Душанбе дар шаҳри Самара бо шведҳо  қувваозмоӣ мекунанд.

Ҳамчунин дар марҳилаи ¼-финалӣ 6 июл Уругвай — Франсия дар Нижний Новгород соати 19:00 ва Белгия — Бразилия дар Қазон соати 23:00 вориди майдон мешаванд. Дастаи мунтахаби Россия дар марҳилаи мазкур 7 июл дар Сочи бо Хорватия дидор анҷом медиҳад.

Ёдовар мешавем, ки Чемпионати ҷаҳон — 2018 дар Федератсияи Россия 14 июн оғоз гардида, то 15 июл идома меёбад.

Доир ба ҳамаи хабарҳо ва тафсилоти бештари бозиҳои Чемпионати ҷаҳон – 2018 дар рубрикаи махсуси сомонаи АМИТ «Ховар» ва барномаҳои варзишии Радиои «FM Ховар» огоҳ шавед!

 

Июль 4, 2018 10:00

Хабарҳои дигари ин бахш

Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
ФУТБОЛ. Дастаи ҷавонони то 18-солаи Тоҷикистон дар Чемпионати CAFA-2025 иштирок менамояд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
ҶОМИ ОСИЁ-2027. Дастаи мунтахаби Тоҷикистон барои бозӣ бо тими Филиппин вориди шаҳри Капас шуд