ТАСС хабар медиҳад: Мизулина аз Чайка хоҳиш мекунад, ки тафтишоти фоҷиаи Серпуховоро зери назорати шахсӣ қарор диҳад
ДУШАНБЕ, 25.07.2018. /АМИТ «Ховар»/. Роҳбари гурӯҳи кории Шӯрои Федералии Федератсияи Россия оид ба такмили чораҳо оид ба пешгирӣ кардани дастдарозӣ ба дахлнопазирии ҷинсии ноболиғон Елена Мизулина ба унвони Прокурори генералии Федератсияи Россия Юрий Чайка бо хоҳиши зери назорати шахсӣ гирифтани фоҷиаи Серпухово дархост омода менамояд. Дар ин бора рӯзи чоршанбе ТАСС бо истинод ба хадамоти матбуоти вакили парлумони Россия хабар дод.
Чанде пеш дар Серпухово бо гумони даст доштан дар куштори духтарчаи хурдсол сокини маҳаллии соли таваллудаш 1990 дастгир шуд. Ҷасади духтарча, ки 22 июл аз майдончаи кӯдакона ғайб зада буд, дар дохили бастаи варзишӣ дар наздикии истгоҳи роҳи оҳан дарёфт карда шуд. Баъдтар аз баъзе ВАО иттилоъ расид, ки ҳанӯз як сол пеш сокини Серпухово ба шуъбаи полис бо дархости тафтиш кардани марде, ки нисбат ба духтарчаи ӯ ва дугонааш дар майдончаи кӯдакона талоши дастдарозӣ кардааст, ариза пешниҳод намудааст, вале кормандони полис ҳеҷ тадбире наандешидаанд.
Тавре аз хадамоти матбуоти вакили парлумони Россия хабар доданд, тибқи маълумоти коршиносони гурӯҳи корӣ, ки онро Мизулина роҳбарӣ менамояд, аз минтақаи Серпухово вобаста ба он ки кормандони мақомоти ҳифзи ҳуқуқ ба хабарҳо дар бораи далелҳои озори ҷинсии кӯдакон аз ҷониби шахсони алоҳида беэътиноӣ карда, на танҳо тафтиши хабарро рад мекунанд, ҳатто онро қабул ва қайд намекунанд, шикоятҳои шаҳрвандон тавассути рақами доимӣ мунтазам ворид мегарданд. «Ман бо хоҳиши зери назорати шахсӣ гирифтани тафтишоти ин парванда ба Прокурори генералӣ дархост ирсол мекунам», — иқтибос меорад гуфтаҳои Мизулинаро хадамоти матбуотиаш.
Дар Бохтар бинои нави Беморхонаи бемориҳои дил ва маркази эндокринология сохта мешавад
САРФАКОРӢ — БАРАКАТИ ЗИНДАГӢ. Ба миқдори сари сӯзан сарфа кардани зан баракатро дар хонадон дучанд меафзояд
Пешвои миллат: «Ба ҷойи ҳаҷҷу умраи такрорӣ анҷом додани амалҳои дорои садақаи ҷория савоби бамаротиб бештар дорад»
Президенти Тоҷикистон: «Шахсоне, ки имконияти молиявӣ надоранд, набояд ба хотири савоб аз дигарон қарз гирифта, қурбонӣ кунанд»
Аз ифлосшавии ҳавои атмосферӣ эҳтиёт намоед! Аз 6 то 9 июн дар Тоҷикистон чангу ғубор ба амал меояд
Эмомалӣ Раҳмон: «Оростани дастурхони пурдабдаба ва меҳмондории зоҳирпарастонаву намоишкоронаро дини мубини ислом, шариат ва таълимоти мазҳаби ҳанафӣ маҳкум мекунад»
ТОҶИКИСТОН – ВАТАНИ ОРЗУҲОИ ҶАВОНӢ. Дар Душанбе моҳвораи ҷавонон ҷамъбаст гардид
Вобаста ба омилҳои рушди сармояи инсонӣ дар Душанбе конфронс доир гардид
110 нафар соҳиби шаҳодатномаи маҳфили «Пайравони Пешвои миллат» гардиданд
Агентии обуҳавошиносӣ бо таҷҳизоти зарурии техникӣ таъмин мегардад
Падару модар дар таълиму тарбияи кӯдак чӣ ҳуқуқ ва уҳдадорӣ доранд?
