ВКХ Тоҷикистон дар робита ба куштори Ҳувайдо Тиллозодаи панҷсола дар шаҳри Серпухово ба ВКХ Россия номаи ёддошт ирсол намуд
ДУШАНБЕ, 24.07.2018 /АМИТ «Ховар»/. Куштори ваҳшиёнаи шаҳрванди панҷсолаи Ҷумҳурии Тоҷикистон Ҳувайдо Тиллозода, ки рӯзи 22 июли соли 2018 дар шаҳри Серпухово рух дод, боиси нигаронии шадид ва изтироб дар Тоҷикистон гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, ба Вазорати корҳои хориҷии Федератсияи Россия номаи ёддошт фиристода шуд, ки дар он ҷониби Тоҷикистон аз мақомоти марбутаи Федератсияи Россия даъват намудааст, то тафтиши комили ҷинояти ваҳшиёна, ки нисбат ба ин тифл содир гардидааст, анҷом ёбад ва ба ҷинояткоре, ки чунин кирдори ғайриинсониро раво дидааст, ҷазои сангин дода шавад.
Намояндагиҳои дипломатӣ ва муассисаҳои консулии Ҷумҳурии Тоҷикистон дар Федератсияи Россия бо мақомоти марбутаи Россия то анҷоми тафтишот ва судури ҳукми ҷазо дар тамоси доимӣ хоҳанд буд.
Ёдовар мешавем, ки ҷасади Ҳувайдои хурдсол 23 июл дар шаҳри Серпухови вилояти Москва дар наздикии истгоҳи роҳи оҳан дарёфт карда шуд. Духтарак 22 июл ҳангоми сайру гашт дар саҳни бинои истиқоматӣ, ки дар он оилаи ӯ зиндагӣ мекунад, ғайб зада буд. Субҳи барвақти рӯзи дигар гурӯҳи ҷустуҷӯии ихтиёриён ва кормандони полис бо саги хидматӣ як бастаи варзиширо пайдо намуданд, ки дар он ҷасади тифли ноболиғ буд.
Бино ба иттилои Раёсати кумитаи тафтишотии вилояти Москва, бо гумони содир намудани куштор ва инчунин таҷовуз сокини маҳаллии 28-сола Александр Сёмин боздошт шудааст. Ӯ дар як бино бо оилаи қурбонӣ зиндагӣ мекунад. Дар ҳуҷраи ӯ изи пойафзол ва ангуштони духтарак пайдо карда шуд.
Тибқи хабари «Life Shot», то ҳол бовари падари духтарак Абдусалом Саидов ба ҳодисаи рухдода намеояд. Ҳувайдо дар оила ягона духтар буд. Ба гуфтаи Саидов, ӯ то ҳол ҷасади духтаракро надидааст.
Дар мусоҳиба ба радио «Озодӣ» ӯ гуфт, ки баъд аз гирифтани ҷасади кӯдакаш ба Тоҷикистон бармегарданд.
Дар навбати худ, намояндагии дипломатии Тоҷикистон дар Россия тамоми кумаки худро ба оилаи духтараки фавтида мерасонад ва тамоми ҳуҷҷатҳои заруриро барои фиристодани ҷасад ба Ватан омода мекунад.
Дар Тоҷикистон корҳои омодагӣ барои истироҳати тобистонаи кӯдакон ва наврасон оғоз гардид
Дар Вазорати меҳнат, муҳоҷират ва шуғли аҳолии Тоҷикистон татбиқи методологияи таҳлили хавфҳои коррупсионӣ баррасӣ шуд
Ҳайати Тоҷикистон дар ҷаласаи 70-уми Комиссияи Созмони Милали Муттаҳид оид ба мақоми зан иштирок дорад
ГРАНТИ ПРЕЗИДЕНТӢ. Занони хоҳишманд метавонанд лоиҳаҳои грантиро пешниҳод намоянд
Дар Тоҷикистон ҳавои номусоид то 11 март боқӣ мемонад
Эмомалӣ Раҳмон: «Модарон дар тарбияи насли нав масъулияти беназир доранд»
Табиат мекунад моро табобат! Сиёҳалаф дорои витаминҳои табиӣ мебошад
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
