ОФАРИН! Футболбозони навраси Тоҷикистон ба бозиҳои ¼ -ниҳоии Чемпионати Осиё роҳхат гирифтанд
ДУШАНБЕ, 27.09.2018 /АМИТ «Ховар»/. Субҳи имрӯз дар бозии охирини гурӯҳи “А”-и Чемпионати Осиё оид ба футбол байни футболбозони то 16-сола дастаи мунтахаби Тоҷикистон бар Таиланд бо ҳисоби 2:1 ғалаба карда ба даври бозиҳои ¼-ниҳоӣ роҳхат гирифт. Ин пирӯзӣ ба ҳамаи мухлисони Тоҷикистон муборак бод!
Вохӯрии дастаҳои мунтахабии Тоҷикистон ва Таиланд мебоист рӯзи гузашта барпо мегардид, аммо аз сабаби борони шадид ин вохӯрӣ ба субҳи имрӯз гузаронида шуд ва он барои мо бобарору шодиовар хотима ёфт. Футболбозони мо тавассути голи аввали Озод Панҷиев дар дақиқаи 39-ум ба сафи пеш баромаданд. Аммо як зарбаи Супанат дар дақиқаи 81-ум дарвозабони мо Мӯҳриддин Ҳасановро маҷбур кард, ки тӯбро аз дарвозааш гирад.
Ба натиҷаи мусовӣ, ки ба нафъи дастаи мо набуд шогирдони Зайниддин Раҳимов қаноатманд нашуда се дақиқа пас аз нав ба сафи пеш баромаданд. Тӯбро Ислом Зоиров ба нишон расонид.
Дар бозии дигари рӯз дастаи мунтахаби Япония мизбонони Чемпионат-дастаи мунтахаби Малайзияро бо натиҷаи 2:0 шикаст дода барои дастаи Тоҷикистон ба бозиҳои ¼-ниҳоӣ роҳ кушод.
Акнун дастаи мунтахаби Тоҷикистон ҳарифи худро дар бозиҳои ¼-ниҳоӣ интизор мешавад.
| Ҷой | Дастаҳо | Б | Ғ | М | Б | Т/т | И |
| 1 | Япония | 3 | 2 | 1 | 0 | 7-2 | 7 |
| 2 | Тоҷикистон | 3 | 1 | 1 | 1 | 4-7 | 4 |
| 3 | Таиланд | 3 | 1 | 0 | 2 | 7-8 | 3 |
| 4 | Малайзия | 3 | 1 | 0 | 2 | 8-8 | 3 |
Варзишгари тоҷик Махсатулло Муъминов дар мусобиқаи байналмилалии каратэ-до дар Русия соҳиби медали тилло гардид
Дар Душанбе бахшида ба Ҷашни байналмилалии Наврӯз Мусобиқаи гӯштини миллӣ (гӯштингирӣ) доир мешавад
Parimatch Tajikistan ва дастаи футболи «Истаравшан» ҳамкории муштаракро оғоз карданд
Ғолибони даври якуми Чемпионати Тоҷикистон-2026 оид ба футбол байни дастаҳои Лигаи олӣ муайян шуданд
Дар ноҳияи Ёвон ғолибони мусобиқаи байналмилалӣ аз рӯи гӯштини ҷудо қадрдонӣ карда шуданд
PARIMATCH TAJIKISTAN ва КФ «Хуҷанд» оғози шарикии бузургро эълон карданд
Бозии дӯстона байни дастаҳои мунтахаби занонаи Тоҷикистон ва Амороти Муттаҳидаи Арабӣ мусовӣ анҷом ёфт
ҶОМИ ҶАҲОН ОИД БА БОКС. Аз Тоҷикистон дар ин мусобиқа даҳ варзишгар иштирок мекунад
Дар ноҳияи Данғара фестивали бозиҳои миллӣ бо шукуҳи хосса баргузор шуд
Лигаи футболи Тоҷикистон дар остонаи мавсими нав барои комиссарон семинари омӯзишӣ баргузор кард
Дастаи мунтахаби Тоҷикистон оид ба футболи электронӣ нахустин маротиба дар мусобиқаи FIFAe Nations League иштирок мекунад
Дастаи миллии занонаи Тоҷикистон оид ба футбол бо тими Амороти Муттаҳидаи Арабӣ ду бозии дӯстона доир мекунад
