Ғолибони Фестивали бозиҳои миллии варзишӣ оид ба гӯштини миллӣ муайян шуданд

Сентябрь 11, 2018 13:30

ДУШАНБЕ, 11.09.2018 /АМИТ «Ховар»/.  Таҳти сарпарастии Президенти Федератсияи футболи Тоҷикистон Рустами Эмомалӣ соли дуюм аст, ки дар ҷумҳурӣ Фестивали бозиҳои миллии варзишӣ баргузор мегардад.

Соли равон дар арафаи ҷашнҳои миллию давлатӣ марҳилаҳои якуму дуюми фестивал дар сатҳи шаҳру ноҳия ва вилоятҳо баргузор гардида, марҳилаи ниҳоии он 10 сентябр ба ифтихори 27-умин солгарди Истиқлолияти давлатӣ дар «Наврӯзгоҳ»-и пойтахт доир шуд.
Фестивал фарҳангу тамаддуни ғании варзишҳои суннатии мардуми ориёнажодро фаро гирифта, доираи васеи ҳаводорони варзишҳои миллӣ, алалхусус гӯштини ниёгонро ба ҳам овард.

Бо мақсади рушду эҳёи варзиши суннатӣ ва арҷгузорӣ ба намудҳои миллии варзиш навъҳои варзиши мусобиқавӣ ва 10 намуди варзиши суннатӣ ба таври намоишӣ пешниҳод гардиданд.
Сипас, рақобати паҳлавонон аз намуди маъмули барномаи фестивал — гӯштини миллӣ сурат гирифт, ки дар вазни то 60 кило Муҳаммад Баротов аз дастаи Хатлон-1 пирӯз гашт. Дар вазни то 65 кг Ёқубҷон Боқиев аз ВМКБ комёб гардид.

Дар рақобати ниҳоии вазни 70 кило Муҳаммадраҳим Сарахонов аз дастаи Душанбе-1 дастболо шуд. Дар вазни 80 кило намояндаи вилояти Суғд — Ҳамроз Раҷабов пирӯз шуд. Ҳоҷимашраб Раҳмонов  дар вазни 90 кг ба дарёфти медали тилло мушарраф гардид. Дар вазни 100 кг Ғазалшои Давлатшо аз дастаи Душанбе-2 ба комёбӣ ноил шуд. Ниҳоят пирӯзии вазни сангинро паҳлавони ноҳияи Рӯдакӣ — Нурулло Неъматов аз они худ кард.

Дар ҳайати даставӣ мақоми аввал насиби дастаи «Душанбе-2» гардид. Ҷойи дуюмро варзишгарони шаҳру ноҳияҳои тобеи марказ ишғол намуданд.

Зинаи сеюмро паҳлавонони дастаи «Душанбе-1» ба даст оварданд. Ҳамчунин ғолибони зинаи аввал бо 5000 сомонӣ, дуюм бо 3000 сомонӣ ва ҷойи сеюм бо 1500 сомонӣ қадрдонӣ гардиданд.

Сентябрь 11, 2018 13:30

Хабарҳои дигари ин бахш

Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад
«Регар ТадАЗ» дар мусобиқа оид ба волейбол дар ноҳияи Восеъ сазовори Шоҳҷоиза гардид
Дар Ҳисор бозии дӯстонаи дастаи олимпии Тоҷикистон (U-23) бо мунтахаби олимпии Қирғизистон доир мешавад
Федератсияи футболи Тоҷикистон соҳиби ҶОИЗАИ БИРИНҶИИ «FIFA FORWARD AWARDS» гардид
Дастаи мунтахаби футзали Тоҷикистон бо тими Амороти Муттаҳидаи Араб бозиҳои дӯстона анҷом медиҳад