Шаҳри Остонаи Қазоқистон мизбони Чемпионати ҷаҳон оид ба гӯштин-2019 интихоб шуд
ДУШАНБЕ, 26.09.2018 /АМИТ «Ховар»/. Иттиҳоди ҷаҳонии гӯштин (United World Wrestling) эълон кард, ки аз 14 то 22 сентябри соли 2019 дар шаҳри Остонаи Қазоқистон Чемпионати ҷаҳон оид ба гӯштин (гӯштини озод, юнонӣ-римӣ ва гӯштини бонувон) доир мегардад.
Тавре ба хабарнигори АМИТ «Ховар» аз Кумитаи миллии олимпии Тоҷикистон хабар доданд, чемпионати ҷаҳон дар соли 2019 нахустин мусобиқаи интихобӣ барои дарёфти роҳхат ба Бозиҳои олимпии соли 2020 дар Токио хоҳад буд.
«Боварии комил дорам, ки чемпионати ҷаҳон дар Остона барои варзишгарон, мураббиён ва мухлисон хотирмон хоҳад шуд», — гуфтааст президенти Иттиҳоди ҷаҳонии гӯштин Ненад Лалович.
Бояд зикр, ки ғолибони 6 вазни олимпӣ дар гӯштини озод, 6 вазн дар гӯштини юнонӣ-римӣ ва 6 вазн дар гӯштини бонувон соҳиби аввалин роҳхатҳои олимпӣ мегарданд. Роҳхатҳои дигар дар мусобиқаҳои қитъавӣ ва интихобӣ дода мешаванд.
Ёдовар мешавем, ки Чемпионати ҷаҳони соли 2018 оид ба гӯштин 20-28 октябр дар шаҳри Будапешти Венгрия баргузор мешавад.
Марҳилаи интихобии Ҷоми футзали Осиё-2026 дар Душанбе баргузор мешавад
Муҳаммадӣ Раҷабов дар Чемпионати Осиё оид ба қаиқронӣ байни наврасон ва ҷавонон соҳиби медали тилло гардид
Паҳлавонони тоҷик дар Чемпионати ҷаҳон оид ба гӯштини ҷудо байни калонсолон иштирок менамоянд
ҶОМИ ОСИЁ-2027. Дастаи мунтахаби Тоҷикистон дар даври дуюми марҳилаи интихобӣ бо тими Филиппин мусовӣ намуд
Дастаи мунтахаби ҷавонони Тоҷикистон (U-18) чемпионати CAFA-2025-ро бо пирӯзӣ бар тими Афғонистон оғоз кард
Гела Шекиладзе: «Футболбозони тоҷик бо тамоми неру барои бозӣ бо дастаи мунтахаби Филиппин тайёрӣ мебинанд »
ЧЕМПИОНАТИ CAFA U-20. Рақибони дастаи ҷавонони Тоҷикистон (U-18) муайян гардиданд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Филиппин бозӣ мекунад
ҶОМИ ОСИЁ-2027. Дастаи мунтахаби Тоҷикистон оид ба футбол бо тими Филиппин бо либоси сафед бозӣ мекунад
Ду дастаи Тоҷикистон оид ба футбол барои иштирок дар Лигаи дуюми чемпионҳои Осиё-2025/26 иҷозатнома гирифтанд
35-СОЛАГИИ ИСТИҚЛОЛИЯТИ ДАВЛАТӢ. Дар Варзишгоҳи миллии Тоҷикистон зиёда аз 30 ҳазор ҷойи нишаст пешбинӣ шудааст
