Дар Душанбе Фестивали VI байналмилалии театрҳои лӯхтак «Чодари хаёл» ифтитоҳ гардид
ДУШАНБЕ, 23.10.2018. /АМИТ «Ховар»/. Дар шаҳри Душанбе Фестивали VI байналмилалии театрҳои лӯхтак «Чодари хаёл» бо тантана ифтитоҳ гардид. Дар маросими ифтитоҳи он муовини аввали Вазири фарҳанги Ҷумҳурии Тоҷикистон Ибодулло Машраб иброз дошт, ки фестивали мазкур ҳунармандони зиёдеро аз кишварҳои хориҷӣ ба ҳам оварда, барои рушди ҳамкорӣ дар соҳаи фарҳанг тадбири беҳтарин мебошад.
Мавсуф бо умедворӣ изҳор дошт, ки фестивали шашум, ки барномаи онро намоишҳои театрҳои лӯхтаки кишварҳои ба мо дӯст: Россия, Ӯзбекистон, Қазоқистон, Қирғизистон, Туркманистон ва Украина зеб медиҳанд, дар фазои фарҳангии Тоҷикистон ба як иди хотирмони наврасон, иди сурурбахши театрҳои лӯхтак табдил меёбад.
Маросими ифтитоҳи фестивал 22 октябри соли равон дар майдончаи назди Театри давлатии ҷумҳуриявии лӯхтаки шаҳри Душанбе ботантана доир гардид.
Дар он намояндагони фарҳангу санъат ва мухлисони санъати театрӣ, намояндагони соҳаҳои гуногун ва ВАО иштирок намуданд.
Ҳамчунин зикр гардид, ки фестивали мазкур дар замони соҳибистиқлолии Тоҷикистон ба ҳукми анъана даромада, сол то сол рангу маънии тоза меёбад. Он дар дилу дидаи наврасон шавқу завқ, эҳсоси зебоишиносӣ, муҳаббат ба зиндагӣ ва Ватани маҳбубро бедор месозад.
Мавриди зикр аст, ки Фестивали VI байналмилалии театрҳои лӯхтак «Чодари хаёл» бо ибтикори Вазорати фарҳанги Ҷумҳурии Тоҷикистон ва дастгирии Дафтари Швейтсария оид ба ҳамкории Тоҷикистон ташкил гардида, дар доираи фестивал баргузории намоишномаҳо, конфронсҳо ва вохӯриҳо дар назар аст.
Ёдовар мешавем, ки фестивал аз 22 то 26 октябри соли равон идома меёбад.
Дар Душанбе дар мавзуи Куруши Кабир ва Эъломияи умумии ҳуқуқи башар ҳамоиш доир гардид
Туҳфаи Президенти Тоҷикистон — «Шоҳнома»-и Абулқосим Фирдавсӣ ба ноҳияи Мастчоҳ расид
ҲИФЗИ МЕРОСИ МИЛЛӢ ДАР ТОҶИКИСТОН. Тавассути сиёсати хирадмандона имрӯз ҷаҳониён бо таъриху фарҳанги миллати мо шинос мешаванд
Донишкадаи давлатии санъати тасвирӣ ва дизайни Тоҷикистон бо «Россотрудничество» ҳамкориро густариш медиҳад
Дар Институти масъалаҳои об, гидроэнергетика ва экология озмоишгоҳи муштараки муҳити экологӣ ба истифода дода шуд
Фестивали байналмилалии «Сӯзании Панҷакент» баргузор мешавад
«Харитаи хатсайри Шӯриши Восеъ» таҳия мегардад
«ФАРҲАНГИ СУМАНАКПАЗӢ». Номинатсияи миллии Ҷумҳурии Тоҷикистон ба Феҳристи мероси фарҳанги ғайримоддии ЮНЕСКО ворид гардид
РӮЗИ БАЙНАЛМИЛАЛИИ РАССОМОН. Ин ҳунар дар Тоҷикистон беш аз ҳазор сол пеш ба вуҷуд омадааст
«ҲИФЗИ МЕРОС». Бо мақсади муаррифии сазовори таъриху фарҳанги миллати тоҷик маҷаллаи илмӣ ба нашр расид
РӮЗҲОИ ФАРҲАНГИ ЧИН ДАР ТОҶИКИСТОН. Дар Донишкадаи давлатии фарҳанг ва санъат барномаи фарҳангӣ доир шуд
«МАВЛОНО ВА ТАМАДДУНИ ИНСОНӢ». Ин китоби Президенти Ҷумҳурии Тоҷикистон дар озмуни байналмилалӣ сазовори ҷойи якум гардид
