Дар шаҳри Деҳлӣ Фестивали ҳунарҳои зебо ва фарҳанги махсус барои ҳунармандони маъюб баргузор мегардад
ДУШАНБЕ, 26.10.2018. /АМИТ «Ховар»/. Аз 2 то 4 ноябри соли равон дар шаҳри Деҳлии Ҳиндустон Фестивали ҳунарҳои зебо ва фарҳанги махсус барои шахсони дорои имконияти маҳдуд баргузор мегардад.
Тавре аз Иттиҳоди миллии маъюбони Тоҷикистон ба АМИТ «Ховар» хабар доданд, ҳадафи асосии фестивали мазкур баланд бардоштани сатҳи огоҳӣ дар бораи ҳаёт ва ҳуқуқҳои шахсони дорои имконияти маҳдуд, дастгирии иҷтимоии онҳо тавассути таълим, баланд бардоштани неруи онҳо, таъмини иштироки ин қишри ҷомеа дар ҳаёти фаъол тавассути барномаҳои фарҳангӣ ва илмӣ мебошад.
Ба иттилои манбаъ, дар фестивал ҳунармандони дорои имконияти маҳдуди зиёда аз 100 давлати ҷаҳон ҷамъ меоянд.
Аз Ҷумҳурии Тоҷикистон дар ин фестивали фарҳангӣ ҳунарманди Ансамбли давлатии «Фалак»-и Кумитаи телевизион ва радиои назди Ҳукумати Ҷумҳурии Тоҷикистон Матлуба Раҳимова ва мутахассиси рақсҳои рӯи аробачаи маъюбӣ Шоҳзода Султонбоева ширкат меварзанд.
Бояд зикр кард, ки имрӯзҳо дар кишварамон шароити будубоши шахсони дорои имконияти маҳдуд хеле хуб буда, онҳо аз ҷониби Ҳукумати Ҷумҳурии Тоҷикистон пайваста дастгирӣ меёбанд.
Ёдовар мешавем, ки Иттиҳодияи миллии маъюбони Тоҷикистон соли 1989 таъсис ёфта, ҳадафи аслии он ҳимоя намудани ҳуқуқ ва манфиатҳои шахсони имконияташон маҳдуд мебошад.
Дар Душанбе оид ба саҳми Давлатманд Холов дар рушди санъати мусиқии тоҷик маҳфили адабӣ – фарҳангӣ доир шуд
Ба сокинони ноҳияи Данғара туҳфаи Пешвои миллат – «Шоҳнома»-и Абулқосим Фирдавсӣ такдим мегардад
«ЛИБОСИ МИЛЛӢ – НИШОНИ ТАМАДДУН ВА ФАРҲАНГИ МИЛЛӢ». Дар шаҳри Норак фестивали ҷумҳуриявӣ доир гардид
Дар Тоҷикистон зиёда аз 100 ёдгориҳои таърихию меъмории нав бозёфт гардиданд
Намояндагони Осорхонаи миллии Тоҷикистон Осорхонаи миллии адабиёти Озарбойҷонро тамошо карданд
Дар Кӯлоб таҳти унвони «Либоси миллӣ — оинаи тамаддун ва ҳуввияти миллӣ» фестивал доир шуд
Дар ҳудуди ноҳияи Шамсиддини Шоҳин шаҳраки қадимаи асри миёнагии Хутали қадим — шаҳри Андичароғ бозёфт гардид
«АНДАЛЕБ-2025». Ҳаваскорони ноҳияи Шоҳмансури шаҳри Душанбе соҳиби Шоҳҷоизаи Фестивал-озмун гардиданд
Китоби дарсии «Асосҳои давлат ва ҳуқуқи Ҷумҳурии Тоҷикистон» барои синфи 8 дар таҳрири нав ба нашр расид
Оид ба ҳамкории Тоҷикистон ва Русия дар соҳаи илм ва маориф конференсияи байналмилалии илмӣ баргузор шуд
Дар ноҳияи Темурмалик тақсими «Шоҳнома»-и Абулқосим Фирдавсӣ оғоз гардид
Масъалаи баргузории Рӯзҳои фарҳанги Ҷумҳурии Мардумии Чин дар Ҷумҳурии Тоҷикистон баррасӣ гардид
