«АНДАЛЕБ-2018»: Дар шаҳри Ҳисор даври дуюми Фестивал-озмуни ҷумҳуриявии эҷодиёти халқ оғоз гардид
ДУШАНБЕ, 20.11.2018. /АМИТ «Ховар»/. Дар Қасри фарҳанги шаҳри Ҳисор даври дуюми Фестивал- озмуни ҷумҳуриявии телевизионии эҷодиёти халқ «Андалеб-2018» ботантана оғоз гардид.
Тавре аз маркази матбуоти Вазорати фарҳанги Ҷумҳурии Тоҷикистон ба АМИТ «Ховар» хабар доданд, дар расми ифтитоҳи фестивал — озмун Вазири фарҳанги Ҷумҳурии Тоҷикистон Шамсиддин Орумбекзода иштирок намуда, иштирокчиён ва мухлисони озмунро табрик гуфт.
Вазири фарҳанг иброз дошт, ки файзу баракати даврони соҳибистиқлолӣ, тараннуми ваҳдату дӯстӣ, эҳёи суннатҳои миллӣ аз мавзӯъҳое буданд, ки дар созу наво ва саҳнаҳои ҳунарии иштирокдорони фестивал-озмун бо як ҷаҳон меҳру муҳаббат ва садоқати ватандорӣ таҷассум ёфтанд.
«Дар ин давра ҷиҳати сарпарастию ҳавасманд гардонидани ҳаваскорони санъат ва ободонии муассисаҳои фарҳангӣ роҳбарони мақомоти иҷроияи ҳокимияти давлатии шаҳру ноҳияҳо таваҷҷуҳи хосса зоҳир намуданд, ки аз ин иқдоми неки онҳо Вазорати фарҳанг сипосгузор аст»,-баён дошт Шамсиддин Орумбекзода.
Мавриди зикр аст, ки ба даври дуюм он дастаҳои ҳунарии шаҳру ноҳияҳои мамлакат, ки дар даври аввал холҳои баландтарро сазовор гардида буданд, роҳ ёфтаанд.
19 ноябр намоиши дастаҳои ҳунарии шаҳри Ҳисор ва ноҳияи Ёвони вилояти Хатлон манзури доварон ва мухлисони барнома гардид. Дар натиҷа шаҳри Ҳисор 136,2 ва ноҳияи Ёвон 124,6 хол ба даст оварданд.
20 ноябр дастаҳои ҳунарии ноҳияи Шоҳмансури шаҳри Душанбе ва ноҳияи Ҳамадонии вилояти Хатлон малакаи худро дар даври дуюм месанҷанд.
21 ноябр дастаҳои ҳунарии ноҳияи Файзобод ва шаҳри Хуҷанди вилояти Суғд, 22 ноябр ноҳияи Тоҷикобод ва шаҳри Хоруғи ВМКБ ҳунарнамоӣ мекунанд.
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2018» ва гулчини барномаҳои ҳунарии шаҳру ноҳияҳои ҷумҳурӣ 25 ноябри соли 2018 дар Қасри фарҳанги шаҳри Ҳисор баргузор мегардад.
Моҳи сентябр дар Тоҷикистон 700-солагии Ҳофизи Шерозӣ ҷашн гирифта мешавад
«САД РАНГИ ЧАКАН». Дар Душанбе фестивал ва намоиш- фурӯши маҳсулоти чакандӯзию гулдӯзӣ доир мегардад
Дар Душанбе дар мавзуи аҳамияти синошиносӣ ва муаррифии осори Абӯалӣ ибни Сино ҳамоиш баргузор шуд
1045-СОЛАГИИ ФАРЗАНДИ НОМВАРИ ТОҶИК, ДОНИШМАНД, ФАЙЛАСУФ ВА ТАБИБИ МАШҲУРИ ОЛАМ АБӮАЛӢ ИБНИ СИНО. Ба ин муносибат дар Тоҷикистон симпозиуми байналмилалӣ доир мешавад
Имрӯз дар Душанбе намоиш-фурӯши китоб баргузор мегардад
Моҳи март дар Душанбе Фестивали «Сад ранги чакан» ва намоиш-фурӯши маҳсулоти нақшдӯзиву зардӯзии чаканӣ баргузор мешаванд
Ҳунармандони Театри давлатии академии калони Узбекистон ба номи Алишер Навоӣ ба Тоҷикистон меоянд
«САД РАНГИ ЧАКАН». Дар Исфара даври шаҳрии фестивали ҷумҳуриявӣ баргузор шуд
Дар муассисаҳои илмии Академияи миллии илмҳои Тоҷикистон 20 озмоишгоҳи замонавӣ ба истифода дода шуд
Донишҷӯёни тоҷики Донишкадаи умумирусиягии кинематографияи шаҳри Москва бо хобгоҳ ва стипендия таъмин карда мешаванд
НИШАСТИ МАТБУОТӢ. Донишкадаи давлатии санъати тасвирӣ ва дизайни Тоҷикистон бо 19 муассисаи таҳсилоти олии хориҷӣ ҳамкорӣ дорад
НИШАСТИ МАТБУОТӢ. Донишҷӯёни Консерваторияи миллӣ дар Озмуни ҷумҳуриявии «Тоҷикистон — Ватани азизи ман» соҳиби Шоҳҷоиза ва ҷойҳои намоён гардиданд
