Дар шаҳри Боку Шоми фарҳанги тоҷик баргузор гардид
ДУШАНБЕ, 01.11.2018 /АМИТ «Ховар»/. Бо ташаббуси Сафорати Ҷумҳурии Тоҷикистон дар Ҷумҳурии Озарбойҷон бахшида ба Соли рушди сайёҳӣ ва ҳунарҳои мардумӣ ҷамъомади фарҳангӣ баргузор гардид.
Тавре аз Вазорати корҳои хориҷии Ҷумҳурии Тоҷикистон ба АМИТ «Ховар» хабар доданд, зимни баргузории барномаи фарҳангӣ зиёда аз дусад нафар меҳмонон ҳузур доштанд. Аз ҷумла, намояндагони сохторҳои давлатӣ, роҳбарони намояндагиҳои дипломатии кишварҳои хориҷии муқими шаҳри Боку, намояндагони зиёиён ва аҳли илму маорифи кишвари иқомат, ходимони сиёсиву ҷамъиятӣ, инчунин вакилони Милли Меҷлис (Парлумон)-и Ҷумҳурии Озарбойҷон ва аъзои гурӯҳи дӯстии Тоҷикистону Озарбойҷон, соҳибкорон, кормандони воситаҳои ахбори омма ва ҳамватанони муқими Озарбойҷон иштирок намуданд.
Зимни сухани ифтитоҳӣ Сафири Тоҷикистон дар Озарбойҷон Рустам Солӣ дар бораи дастовардҳои кишвар дар тӯли солҳои истиқлолият таҳти роҳбарии Президенти кишвар Эмомалӣ Раҳмон, нақши таърихии ӯ дар рушди давлатдории тоҷикон, инкишоф ва шукуфоии мероси фарҳангии тоҷикон, суханронӣ намуд.
Ҷамъомади мазкур ба дастгирии рушди ҳунарҳо ва ҳунармандони миллӣ, ки тайи садсолаҳо дар самти истеҳсоли матоъ, зарфҳо, асбобҳои мусиқӣ, қолин, нақшу нигори заргарӣ ва ғайра фаъолият намудаанд ва то имрӯз он анъанаҳои аҷдодии гузаштагони хешро идома медиҳанд, бахшида шуда буд.
Дар доираи ҷамъомад либосҳои миллии тоҷикӣ, аз қабили атлас, адрас, чакан, гулдӯзӣ, сӯзанӣ, кундал, асбобҳои гуногуни мусиқии мардумӣ, суруду оҳангҳои гуногунжанр ва маъруфу машҳури тоҷикӣ, хӯрокҳои гуногуни миллӣ, инчунин иқтидори сайёҳии Ҷумҳурии Тоҷикистон ба намоиш гузошта шуданд.
Академияи миллии илмҳои Тоҷикистон аккредитатсияи байналмилалии муассисавиро гузашт
ДАР ҲАР ЯК ОҲАНГ МУҲАББАТИ БЕАНДОЗАИ ТОҶИКОН БА ВАТАН ЭҲСОС МЕШУД. Бардошт аз баргузории Рӯзҳои фарҳанги Тоҷикистон дар Русия
«ТОҶИ СОМОН». Дар Душанбе дуюмин синамоҷашнвораи байналмилалӣ баргузор мегардад
Инна Блюшенко аз Швейтсария: «Мақсад дорам забони ширину шевои тоҷикиро омӯзам»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
