Вазири фарҳанги Давлати Қатар: «Аз ҳунари баланди санъаткорони тоҷик хеле хушҳол шудам»
ДУШАНБЕ, 26.11.2018. /АМИТ «Ховар»/. Тавре қаблан иттилоъ додем, 24 ноябр дар шаҳри Давҳа Рӯзҳои фарҳанги Ҷумҳурии Тоҷикистон дар Давлати Қатар оғоз гардиданд. Хабарнигори АМИТ «Ховар» Тоҷиддини РИЗВОН аз Давлати Қатар иттилоъ дод, ки маросими ботантанаи Рӯзҳои фарҳанги Ҷумҳурии Тоҷикистон бо роҳандозии барномаи консертӣ, намоиши мусаввараҳо, аксҳо ва ҳунарҳои мардумӣ ифтитоҳ гардид.
Ба иттилои Тоҷиддини Ризвон, 24 ноябр тантанаҳои расмии Рӯзҳои фарҳангии Ҷумҳурии Тоҷикистон дар Давлати Қатар дар Театри драмавии «Қатара»-и Давлати Қатар бо суханони ифтитоҳии вазирони фарҳанги ҳарду кишвар- Шамсиддин Орумбекзода ва Шайх Солеҳ Ғоним Ал-Алӣ оғоз ёфтанд.
Меҳмонон қабл аз шурӯи барномаҳои консертӣ аз намоиши мусаввараҳову ҳунарҳои мардумӣ ва дигар дастовардҳои ба намоишгузошта дидан карданд.
Ҳангоми тақдими барнома таваҷҷуҳи меҳмононро, ки шаҳрвандони шаҳри Давҳа ва намояндагиҳои корпусҳои дипломатии муқими Давлати Қатар ташкил медоданд, намудҳои гуногуни рақсу сурудҳои ҳунармандони тоҷик ҷалб намуд.
Баъд аз поёни барномаи консертӣ Вазири фарҳанги Давлати Қатар гуфт: «Ростӣ, ман баъд аз қисмати аввали барнома мебоист тибқи нақша аз толор мебаромадам, вале шавқи тамошои ҳунармандони тоҷик монеи нақшаи фориғ шудани банда гашт. Аз ҳунари баланди санъаткорони тоҷик хеле хушҳол шудам».
Барномаҳои Рӯзҳои фарҳангии Ҷумҳурии Тоҷикистон дар Давлати Қатар рӯзи 25 ноябр бо ҳузури намояндагони ҳайати кишвар бо шиносоӣ аз Китобхонаи миллии ин кишвар идома ёфт ва меҳмонон бо фаъолияти он шинос шуданд.
Баъд аз боздид аз ин боргоҳи дониш Вазири фарҳанги Ҷумҳурии Тоҷикистон Шамсиддин Орумбекзода китоби Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон «Тоҷикон дар оинаи таърих» (бо забони арабӣ) ва китоби академик Бобоҷон Ғафуров- «Тоҷикон»-ро ба мудири ин китобхона ҳамчун ҳадя такдим намуд.
Ба гуфтаи мудири китобхона, дар баробари 3 миллион китоби ин махзан, донишҷӯёну кишваршиносон бо тамаддуни бостонӣ ва фарҳанги тоҷикон бештар шинос мешаванд.
ТАМАДДУНИ ОРИЁӢ. Дар Душанбе дар ин мавзуъ Симпозиуми байналмилалии сатҳи баланд баргузор мегардад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Эҳёи хотираи таърихӣ ва таҳкими ҳувияти миллӣ вазифаи муқаддаси ҳар сокини ҷумҳурӣ аст
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ давраи омузишӣ баргузор шуд
ТОҶИКОН — МЕРОСБАРИ ТАМАДДУНИ ОРИЁӢ. Иқдоми Тоҷикистон дар самти ҳифзу арҷгузорӣ ба тамаддуни ориёӣ саривақтӣ ва муҳим аст
Сокинони шаҳри Исфара соҳиби туҳфаи Пешвои миллат- «Шоҳнома»-и безавол мегарданд
Дар Коллеҷи муҳандисию омӯзгории шаҳри Душанбе маркази омӯзиши забони чинӣ таъсис дода мешавад
БОРБАД — АСОСГУЗОРИ МУСИҚИИ ШАРҚ. Хунёгаре, ки назирашро таърихи башар ёд надорад
Дар Душанбе рӯзҳои фарҳангии шаҳру ноҳияҳои Тоҷикистон баргузор мегарданд
Масъалаи дастрасӣ ба оби нӯшокии устувор бо намояндагони ЮНИСЕФ дар Тоҷикистон баррасӣ гардид
Дар Академияи миллии илмҳо нуктаҳои асосии Паёми Президенти Тоҷикистон шарҳ дода шуд
