Намаки бейод ва бемории ҷоғар бо ҳам чӣ иртибот доранд? Ва ё чаро дар шаҳри Хоруғ як тонна намаки ошӣ ба роҳҳои мошингард рехта мешавад
ХОРУҒ, 12.12.2018 /АМИТ «Ховар»/. Мутобиқи иттилои Маркази эндокринологии Вилояти Мухтори Кӯҳистони Бадахшон, шумораи беморони ҷоғар ё худ ғадуди сина дар вилоят ба 14 ҳазору 974 нафар расидааст, ки зиёда аз 4 ҳазори онҳо кӯдакон мебошанд.
Табиби ғадудшиноси Маркази саломатии шаҳри Хоруғ Гулбону Имомёрбекова гуфт, ки «баландии минтақа аз сатҳи баҳр, набудани йоди кофӣ дар ғизо ва дер муроҷиат кардани беморон ба табибон сабабҳои аслии афзоиши ин беморӣ дар вилоят мебошанд. Дар ҳолати нарасидани йод дар ҷисми инсон ҳисси бемадоршавӣ, паст шудани қобилияти меҳнатию ақлонӣ, хушкшавии пӯст ё арақкунии барзиёди бадан ба назар мерасад. Мутаассифона, аксарияти беморон танҳо пас аз хуруҷи беморӣ ба табибон муроҷиат мекунанд, ки ин муҳлати табобатро ба дарозо мекашад. Агар бемор сари вақт ба табиб муроҷиат кунад, он гоҳ ташхису табобат дар муҳлати муқарраршуда ба анҷом мерасанд. Зеро барои ташхису давобахшии ин гуна беморӣ дар маркази саломатӣ тамоми шароити зарурӣ муҳайёст».
Масъулини Раёсати стандартизасия, метрология, сертификатсия ва нозироти савдои вилоят ин гуфтаи мутахассисони соҳаи тибро тасдиқ намуда, изҳор доштанд, ки танҳо дар як моҳи охир зиёда аз як тонна намаки бейодро аз фурӯш боздоштанд. Мудири бахш оид ба риояи талаботи стандартӣ ва сифати махсулоти Раёсати мазкур Озодбахт Мародасейнов гуфт, ки «ташхиси лаборатории раёсати мазкур муайян намуд, ки ин миқдор намаки ошии бейод ва ғайристандартӣ ба тариқи қочоқ ба вилоят ворид мешаванд. Як тонна намаки бейод, ки аз мағозаҳо мусодира шуд, ба ихтиёри Корхонаи воҳиди давлатии хоҷагии манзилию коммуналии шаҳри Хоруғ барои истифодаи корҳои техникӣ интиқол дода шуд. Ин намаки оширо акнун барои об кардани роҳҳои яхбастаи мошингарду пиёдагарди шаҳр истифода мебаранд».
Масъулини Раёсати стандартизатсия, метрология, сертификатсия ва нозироти савдои вилоят барои пурра аз муомилот гирифтани намаки бейод тамоми фурӯшгоҳҳои шаҳру вилоятро мавриди санҷиш қарор медиҳанд.
Наваскарони қисмҳои ҳарбии Вазорати мудофиаи Тоҷикистон савганди садоқат ёд намуданд
Дар Муассисаи давлатии «Боғи Ирам» даври сеюми Фестивал-озмуни «Беҳтарин армуғон» баргузор мешавад
Дар Хатлон ба иштирокчии Ҷанги дуюми ҷаҳонӣ туҳфаҳои моддию молиявӣ тақдим карда шуд
Зулфиқор Гулаҳмадзода: «Ба тарбияи ватандӯстии шаҳрвандон бояд ба тарзи бефосила, бетанаффус ва доимӣ машғул шавем»
ҲИФЗИ ВАТАН ВА ҲИМОЯИ ҲАЁТИ ОСОИШТАИ МАРДУМ. Ин амал барои ҳар шаҳрванди огоҳу соҳибватан вазифаи муқаддас аст
Дар Душанбе чорабинии сиёсӣ – фарҳангӣ таҳти унвони «Фарзанди Тоҷикистонам!» доир карда шуд
ГУЛЕ, КИ ТАРБИЯТ АЗ ДАСТИ БОҒБОН НАГИРИФТ. Чаро баъзе аз падару модарон ба таълиму тарбияи фарзандон беаҳамиятӣ зоҳир мекунанд?
Президенти Тоҷикистон: «50 фоизи аҳолии қобили меҳнати Тоҷикистон ба Ҷанги дуюми ҷаҳон ҷалб шуда буд»
Дар Душанбе пайвастшавии 3300 иншоот ба шабакаҳои гармдиҳӣ ба нақша гирифта шудааст
Дар Хатлон бо иштироки 25 оилаи намунавӣ даври вилоятии озмуни «Оилаи беҳтарин» ҷамъбаст гардид
Эмомалӣ Раҳмон: «Дар Ҷанги дуюми ҷаҳонӣ 55 нафар афсарону сарбозони тоҷик ба унвони баланди «Қаҳрамони Иттиҳоди Шуравӣ» мушарраф гардиданд»
Туҳфаи Президенти Тоҷикистон ба ду иштирокчии Ҷанги дуюми ҷаҳонӣ дар Ҳисор расонида шуд
