Ғолибони озмуни ҷумҳуриявии «Акси беҳтарин» муайян шуданд
ДУШАНБЕ, 21.12.2018 /АМИТ «Ховар»/. Имрӯз дар Кумитаи давлатии идораи замин ва геодезии Ҷумҳурии Тоҷикистон маросими ҷамъбаст ва ҷоизасупорӣ ба ғолибони озмуни ҷумҳуриявии «Акси беҳтарин» баргузор гардид. Озмуни мазкур бахшида ба Соли руши сайёҳӣ ва ҳунарҳои мардумӣ ба роҳ монда шуда, мақсад аз баргузории он муаррифии мавзеъҳо ва табиати нотакрори Тоҷикистон мебошад.
Тавре ба АМИТ «Ховар» аз Кумитаи давлатии идораи замин ва геодезӣ хабар доданд, озмуни мазкур аз ҷониби маҷаллаи «Сарзамин» гузаронида шуд. Дар маросими ҷамъбасти он раиси Кумитаи давлатии идораи замин ва геодезии Ҷумҳурии Тоҷикистон Қурбон Ҳакимзода, муовини раиси Кумитаи рушди сайёҳии назди Ҳукумати Ҷумҳурии Тоҷикистон Ширин Амонзода, намояндаи Бунёди мусаввирони Тоҷикистон ва Ассотсиатсияи суратгирони касбии Тоҷикистон иштирок ва сухан карданд.
Қурбон Ҳакимзода зикр кард, ки Тоҷикистон дар замони соҳибистиқлолӣ имкониятҳои беҳтарин ва бештарро барои рушди соҳаи сайёҳӣ соҳиб гашт. Мувофиқи маълумоти расонаҳои иттилоотии маъруфи олам, имрӯз Тоҷикистон дар бозори сайёҳии ҷаҳон мавқеи намоён касб намуда истодааст «Ин аст, ки соли 2014 Ҷумҳурии Тоҷикистон дар рейтинги ҷаҳонии «Глоб Спотс» («Globe Spots») ба даҳгонаи кишварҳои беҳтарин барои сайёҳони саргузаштӣ ворид шуд. Шабакаи мазкур зикр намуд, ки «манзараҳои ин кишвар ҳайратбахшона гуногунанд, ки дар ҳар қадам шуморо ба тааҷҷуб мегузоранд».
Дар маводи сомонаи мазкур инчунин гуфта шудааст, ки «дар Тоҷикистон асосан сайёҳон аз водии Зарафшон ва инчунин аз кӯҳҳои Помир дидан менамоянд. Балҷувон, Ромит ва Варзоб онҳоро барои истироҳати фарҳангӣ ҷалб менамоянд. Сокинони ин ноҳияҳо метавонанд озодона сайёҳонро бидуни кумаки кормандони ширкатҳои сайёҳӣ қабул намоянд».
Ширин Амонзода дар навбати худ иброз дошт, ки «Тоҷикистон дорои мавзеъҳои зиёде мебошад, ки месазад онҳоро ба ҷаҳониён муаррифӣ намоем. Озмуни имрӯзаро, бешак, метавон муаррифи ин имкониятҳо арзёбӣ намуд».
Дар идомаи ҷамъомад ғолибони озмуни ҷумҳуриявии «Акси беҳтарин» муайян ва бо туҳфаҳои пуливу сипосномаҳо сарфароз гардонида шуданд.
Ҳамин тариқ, шоҳҷоизаи озмун ба аксбардори шинохта Аминҷон Азимов, ҷойи дуюм ба Баҳодур Турсунов ва Комрон Комилзода ва ҷойи сеюм ба Баҳром Ҷалилов, Баҳриддин Исомуддинов, Шаҳриёр Олимӣ дода шуд.
Ёдовар мешавем, ки беҳтарин иштирокчиёни озмун бо туҳфаҳои хотиравӣ қадрдонӣ карда шуданд.
БА ҚАДРИ СУЛҲУ СУБОТ БОЯД РАСИД! Дар Академияи миллии илмҳои Тоҷикистон бахшида ба Рӯзи Ваҳдати миллӣ роҳпаймоӣ баргузор гардид
«СИМОИ ЗАН ДАР ЭҶОДИЁТИ РАССОМОНИ ТОҶИКИСТОН ВА ЧИН». Таҳти ин унвон дар Осорхонаи миллӣ намоиш баргузор шуд
«ТОҶИКИСТОН — ВАТАНИ АЗИЗИ МАН». Дар Хоруғ даври вилоятии ин озмун оғоз гардид
27-СОЛАГИИ ВАҲДАТИ МИЛЛӢ. Ба ин муносибат дар Осорхонаи миллӣ гӯшаи доимоамалкунанда ташкил гардидааст
Афсарону сарбозони Гвардияи миллӣ бахшида ба Рӯзи Ваҳдати миллӣ ба тамошои Осорхонаи миллӣ омаданд
«СИ ҶИНПИН ДАР БОРАИ ИДОРАКУНИИ ДАВЛАТӢ». Маҳфили китобдӯстони Тоҷикистону Чин дар Душанбе ба ин мавзуъ бахшида шуд
ТОҶИКИСТОНУ ЧИН – ШАРИКОНИ СТРАТЕГӢ. Дар Академияи миллии илмҳои Тоҷикистон дар ин мавзуъ конференсияи байналмилалӣ баргузор шуд
«БАДАХШОН – ДАРВОЗАИ ТИЛЛОИИ ТОҶИКИСТОН». Суратгузориш аз Форуми сайёҳӣ дар шаҳри Хоруғ
«ТОҶИКОНА МЕПӮШЕМ!». Бонувони Китобхонаи миллии Тоҷикистон либоси миллиро тарғиб менамоянд
Маҷаллаи «ал-Баён»-и Робитаи адибони Кувайт ашъори шоираи ҷавони тоҷик Сурайё Ҳакимоваро нашр намуд
Мутахассисони соҳаи синамои тоҷик дар Донишкадаи давлатии умумирусиягӣ ба таҳсил фаро гирифта мешаванд
ЧАКАН ДАР ПАРИЖ. Тарроҳи тоҷик рангорангӣ, ғановат ва гуногунии онро дар Ҳафтаи мӯд намоиш медиҳад
